Բրիտանական ընկերությունը նախատեսում է պղինձ արդյունահանել Հայաստանի և Ադրբեջանի սահմանին
ՀԱՍԱՐԱԿՈՒԹՅՈՒՆ
metalinfo.ru-ն գրում է, որ Լոնդոնում գրանցված Anglo Asian ընկերությունը հայտարարել է Ադրբեջանի հյուսիս -արևմուտքում՝ Հայաստանին սահմանակից Գեդաբեկի շրջանի տարածքում պղնձի երեք հանքավայրերի իրավունքների ձեռքբերման մասին:
Խորհրդային տարիներին իրականացված երկրաբանական հետախուզության տվյալների համաձայն, ամենամեծ Garadagh հանքավայրը պարունակում է 318,7 հազար տոննա պղինձ` 0,64% հանքաքարում պղնձի միջին պարունակությամբ:
Anglo Asian- ը Ադրբեջանի արևմտյան մասում պղնձի հանքավայրեր էր ձեռք բերել դեռևս 1998 թվականին, սակայն պղնձի արդյունահանում չէր սկսել, քանի որ հանքավայրը գտնվում էր Հայաստանի և Ադրբեջանի միջև վիճելի տարածքներին շատ մոտ: Ներկայումս անցյալ տարվա ռազմական հակամարտության ավարտից հետո ընկերությունը տարածաշրջանում խաղաղության երկար շրջան է ակնկալում:
Միևնույն ժամանակ, Anglo Asian- ը որոշել է հրաժարվել Հայաստանի և Ղարաբաղի միջև գտնվող Ադրբեջանի Քելբաջարի տարածաշրջանի Soutely հանքավայրի իրավունքներից համարելով, որ այդ վայրում բիզնես վարելը չափազանց ռիսկային կլինի:
Նյութը հրապարակման պատրաստեց Կամո Խաչիկյանը
