Ո՞ր հայտնի մթերքները կարող են քաղցկեղ առաջացնել

Քաղցկեղի մոտ 80 տոկոս տեսակների զարգացման պատճառը կապված է մեծ թվով քաղցկեղածին նյութերի ազդեցության հետ: Նման կարծիք է հայտնել ուռուցքաբան եւ վիրաբույժ Իվան Կարասեւը (Ռուսաստան):

Ինչպես գրել է «Ցարգրադ»-ը, քաղցկեղածին նյութերի մեծ կոնցենտրացիա հայտնաբերվել է ապխտած երշիկի, պահածոների, խոզապուխտի եւ բեկոնի մեջ: Հետեւաբար, այս մթերքները չի կարելի օգտագործել ամեն օր:

«Ապացուցված է, որ 50 գրամ ապխտած երշիկը պարունակում է նույնքան քաղցկեղածին նյութ, որքան մեկ տուփ ծխախոտը», - ասել է մասնագետը:

Կարասեւը խորհուրդ է տվել սննդակարգում ավելացնել ավելի շատ բանջարեղեն եւ մրգեր: Սակայն օգտագործելուց առաջ դրանք պետք է մանրակրկիտ լվանալ եւ կլպել:

«Կաղամբից պետք է հեռացնել վերին 2-3 շերտերը: Խորհուրդ է տրվում գազարի միջուկը չօգտագործել սննդի մեջ, իսկ մաղադանոսի եւ նեխուրի դեպքում՝ սննդի մեջ օգտագործել միայն տերեւները», - իր Instagram-ում խորհուրդ է տվել ուռուցքաբանը: