ՄԻԵԴ-ի վճռին ծանոթանալուց հետո դատախազությունը մեծ հիասթափություն է ապրելու․ Արամ Վարդևանյան
ՔԱՂԱՔԱԿԱՆՈՒԹՅՈՒՆՄարդու իրավունքների եվրոպական դատարանը օրերս հրապարակել էր վճիռ, որով բավարարվել էր 2008 թվականին «Դարեսկիզբ» ՍՊԸ (Հայկական ժամանակ օրաթերթ) անունից ներկայացված գանգատն ընդդեմ ՀՀ երկրորդ նախագահ Ռ. Քոչարյանի 2008 թվականի Մարտի 1-ի հրամանագրի: ՄԻԵԴ-ը այս գործով գտել է, որ հրամանագրով խախտվել է Մարդու իրավունքների և հիմնարար ազատությունների պաշտպանության մասին կոնվենցիայի 10-րդ հոդվածը, դիմողի նկատմամբ խախտվել է նաև 6 հոդվածը՝ ներպետական դատարանները եղել են անհասանելի: Իրավական առումով սա նշանակում է, որ Մարտի 1-ի արտակարգ դրություն հայտարարելու հրամանագիրը այլևս օրինական չէ։
«Հայաստան» խմբակցության պատգամավոր, Ռոբերտ Քոչարյանի նախկին պաշտպան Արամ Վարդևանյանն ArmDaily.am-ի հետ զրույցում ասաց, որ ծանոթացել է վճռին, այն բավականին հետաքրքիր է համարում։ «Այդ վճռին ծանոթանալուց հետո դատախազությունը մեծ հիասթափություն է ապրելու։ ՄԻԵԴ-ը Մարտի 1-ի հրամանագրին գնահատական չի տվել և չէր էլ կարող տալ։
ՄԻԵԴ-ը Սահմանադրական դատարան չէր, բայց ՄԻԵԴ-ը մի շատ կարևոր շեշտադրում է կատարել․ հիշում եք, որ դատախազությունն ասում էր որ նախագահի կողմից արտակարգ դրության հրամանագիր առհասարակ չէր կարող ընդունվել, ՄԻԵԴ-ն ասել է, որ կարող էր ընդունել արտակարգ դրության հրամանագիր նախագահը։ Այն հիմնավորումները, որ մենք 3 տարի, նաև ես երբ պաշտպանական թիմի անդամ էի՝ խոսում էինք նրա մասին, որ լիովին իրավաճակ էր նման հրամանագիր ընդունելը, քանի որ Սահմանադրությունը դա չէր նախատեսում։
Դատախազությունը դրան հակադարձում էր, ասում էր գիտեք առանձին օրենք չկար, ստացվեց, որ ՄԻԵԴ-ը պարզ ճշմարտությունը բացատրեց Դատախազությանը»։
Մանրամասները՝ տեսանյութում։
