Արևելագետ Գևորգյանը հայտարարել է, որ Ադրբեջանը Թուրքիայի և Պակիստանի աջակցությամբ նախապատրաստում է սրացում Հայաստանի հետ
ՀԱՍԱՐԱԿՈՒԹՅՈՒՆ
vk-smi.ru-ն գրում է, որ ռուսաստանցի արևելագետ Կարինե Գևորգյանը Sputnik ռադիոյին պատմել է Ադրբեջանի, Պակիստանի և Թուրքիայի կողմից հնարավոր սպառնալիքների մասին: Նա նշել է, որ նրանք կարող են սրացում իրականացնել ոչ միայն Հայաստանում, այլ նաև Իրանում: Դրա մասին են վկայում ադրբեջանական ոստիկանության կողմից իրանական բեռնատարների ստուգումներով վերջին իրադարձությունները: Ըստ արևելագետի հայկական և իրանական կողմերի վրա ճնշում գործադրելու համար Բաքուն կարող է սկսել ամրապնդել իր քաղաքական դիրքերը: Իրանում, ըստ նրա, արդեն պատրաստ են իրադարձությունների նման շրջադարձի և սկսել են ուժեղացնել Ադրբեջանի, ինչպես նաև Հայաստանի և Նախիջևանի Ինքնավար Հանրապետության սահմանների պաշտպանությունը Ադրբեջանից: Այսպիսով, կարելի է փաստել, որ Պակիստանի, Ադրբեջանի և Թուրքիայի հատուկ ջոկատայինների լայնածավալ զորավարժություններն աննկատ չեն անցել: Իրանի ԱԳՆ -ն նաև մտահոգություն է հայտնել Կասպից ծովի կոնվենցիան Ադրբեջանի կողմից խախտելու կապակցությամբ:
Փորձագետը նաև խոսել է Ադրբեջանի և Թուրքիայի կողմից տարածաշրջանում հնարավոր այլ սադրանքների մասին: Թուրքիան կորցրել է իր ազդեցությունը Թունիսում, Մարոկկոյում, Սուդանում և Լիբիայում, ուստի կարող է փորձել մեծացնել իր ազդեցությունը Հայաստանում և Իրանում: Անկարան, նրա խոսքով, բավական կոշտ քաղաքականություն է վարում տարածաշրջանում փորձելով մեծացնել իր ազդեցությունը: Հետևաբար, նրան ձեռնտու է տարածաշրջանում տիրող անկայունությունը, որի շնորհիվ էլ Անկարան փորձում է լուծել իր ներքին խնդիրները:
Նյութը հրապարակման պատրաստեց Կամո Խաչիկյանը
