Պուտինը կոչ է արել աշխատել թալիբների կառավարության հետ

Աֆղանստանի նոր կառավարությունը, որը ստեղծվել է թալիբների կողմից, ներկայացուցչական և ներառական չէ, սակայն դրա հետ պետք է աշխատել: Նման կոչ է արել Ռուսաստանի նախագահ Վլադիմիր Պուտինը՝ Հավաքական անվտանգության պայմանագրի կազմակերպության (ՀԱՊԿ) և Շանհայի համագործակցության կազմակերպության (ՇՀԿ) ղեկավարների համատեղ հանդիպմանը:

Ինչպես գրում է lenta.ru-ն, պետության ղեկավարը հստակեցրել է, որ թալիբների շարժումը դարձել է Աֆղանստանի տիրակալը, ինչպես նաև ձևավորել է կառավարություն, որը ստանձնել է երկրի ապագայի պատասխանատվությունը:

Սա ժամանակավոր կառավարություն է, ինչպես նշում են իրենք՝ թալիբները, և չի կարող իրատեսորեն ներկայացուցչական կամ ներառական կոչվել, հավելել է Պուտինը: