Արմավիր քաղաքում միմյանց են բախվել «ԶԻԼ» և «ԳազԵլ» մակնիշների ավտոմեքենաները. երեք անձ հոսպիտալացվել է

Այսօր ժամը 11։00-ի սահմաններւմ Արմավիր քաղաքի Երևանյան և Հ. Ավետիսյան փողոցների խաչմերուկում բախվել են Արմավիրի մարզի բնակիչներ՝ 40-այա Էդգար Արիստակեսյանի վարած «ԶԻԼ» մակնիշի և 61-ամյա Սոս Բաղդոյանի վարած «ԳազԵլ» մակնիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով «ԳազԵլ»-ի ուղևորներ՝ Արմավիրի մարզի բնակիչներ, 69-ամյա Սվետլանա Հովհաննիսյանը, 16-ամյա Մետաքսյա Բ-ն և 34-ամյա Անահիտ Ավդալյանը  մարմնական վնասվածքներով «Արմավիր» բժշկական կենտրոնի շտապօգնության ավտոմեքենայով տեղափոխվել են «Արմավիր» բժշկական կենտրոն։

Փաստի առթիվ նյութեր են նախապատրաստվում։

Գ. Շամշյանի տեղեկություններով՝ վիրավորներից Ս. Հովհաննիսյանն աշխատում է Արագածոտնի մարզի գյուղերից մեկի միջնակարգ դպրոցում՝ որպես ուսուցչուհի, իսկ Մ. Բունիաթյանը սովորում է Արմավիրի մարզի դպրոցներից մեկի 10-րդ դասարանում։