Պատմության այս օրը (օգոստոսի 27)
ՊԱՏՄՈՒԹՅԱՆ ԱՅՍ ՕՐԸ
ՈՐՈՇ ՏՈՆԵՐ - Մոլդովա՝ Անկախության օր, Իրան՝ Դեղագործի օր, Ռուսաստան՝ Ռուսական կինոյի օր
ՀԱՅԱՍՏԱՆՈՒՄ
1828 – ռուսական զորքերը Օսմանյան կայսրությունից նվաճել են Ախալցխայի բերդը։
1875 –ծնվել է Հայաստանի Առաջին Հանրապետության զորավար, նշանավոր հայդուկ, Անդրանիկի անձնական քարտուղար և զինակից զորավար Մախլուտոն։
1956 – ծնվել է հայազգի ռուսաստանյան դիրիժոր Կոնստանտին Օրբելյան կրտսերը:
1974 - վախճանվել է նկարիչ Եփրեմ Սավայանը:
1975 - վախճանվել է պետական և կուսակցական գործիչ Պարգև Ղազարյանը:
1982 - հայ ահաբեկիչները Կանադայի Օտտավա քաղաքում սպանել են թուրք ռազմական դիվանագետ Աթիլա Ալթըքաթին:
1992 - Հայաստանը դիվանագիտական հարաբերություններ է հաստատել Ղազախստանի հետ։
1994 - վախճանվել է քանդակագործ Դերենիկ Դանիելյանը:
1997 - Հայաստանը ստորագրել է բարեկամության, համագործակցության և փոխադարձ օգնության պայմանագիր Ռուսաստանի հետ։
2007 – վախճանվել է ամերիկահայ նկարիչ, գորգագետ, գորգարվեստի ուղղության հիմնադիր Մարկոս Գրիգորյանը։
2008 - սկսվել են Գյումրի-Կարս երկաթգծի 12 կիլոմետրանոց հատվածի վերանորոգման աշխատանքները` կապված սեպտեմբերի 6-ին Երևանում կայանալիք Հայաստանի և Թուրքիայի ֆուտբոլի ազգային հավաքականների հանդիպման հետ:
2009 - Մինաս Ավետիսյանի լավագույն որմնանկարներից մեկը՝ 1973 թվականին ստեղծված «Թորոս Ռոսլինը», Մշակույթի նախարարության նախաձեռնությամբ վերականգնվել է և վերջնականապես հանգրվանել Ջաջուռում գտնվող Մինաս Ավետիսյանի տուն-թանգարանում։
2018 - Բնապահպանների և «Լիդիան Արմենիա»-ի ներկայացուցիչների միջև բախում է տեղի ունեցել հանքի մատույցներում:
ԱՇԽԱՐՀՈՒՄ
մ.թ.ա.49 - Իսպանիայի պաշարման արդյունքում Իլերդոյում (ժամանակակից Լերիդա) պոմպեացիները կապիտուլացիայի են ենթարկվել Կեսարի կողմից:
1576 – վախճանվել է վերածնունդի Իտալիայի 16-րդ դարի վենետիկյան դպրոցի վաղ շրջանի ներկայացուցիչ, իտալական բարձր վերածնունդի գլխավոր ներկայացուցիչներից մեկը հանդիսացող նկարիչ Տիցիանը։
1760 – Ռուսաստանում թագուհի Ելիզավետան հրաման է արձակել, համաձայն որի պետական աշխատողներին արգելվել է կաշառք վերցնել:
1770 – ծնվել է գերմանացի փիլիսոփա-իդեալիստ, գերմանական դասական փիլիսոփայության կարկառուն ներկայացուցիչ, օբյեկտիվ իդեալիստական հիմքի վրա դիալեկտիկայի համակարգված տեսության հիմնադիր Գեորգ Վիլհելմ Ֆրիդրիխ Հեգելը։
1783 - Փարիզի երկնքում առաջին թռիչքն է իրականացրել շարլյերը՝ «ցնդող գազով» լցված աէրոստատը:
1813 - Դրեզդենյան ճակատամարտում Նապոլեոնը հաղթել է դաշնակցային բանակին:
1855 - Լոնդոնում ցուցադրվել է առաջին այնպիսի դաշտային խոհանոց, որի միջոցով գումարտակի համար կերակուր պատրաստելու համար ծախսվում է սովորական 800 կգ փայտի փոխարեն 21 կգ:
1859 - գնդապետ էդվին Դրեյկը ամերիկյան Տայտատսվիլլա քաղաքի մոտ (Փենսիլվանի նահանգ) հորատել է առաջին նավթային հորը: Այդ օրը համարվում է ամերիկյան նավթարդյունաբերության ծննդյան օր:
1871 - ծնվել է ամերիկյան գրող, հասարակական գործիչ և ամերիկյան քննադատական ռեալիզմի խոշորագույն ներկայացուցիչ Թեոդոր Դրայզերը:
1875 - Լուկակ դե Բուաբոդրինը հայտնագործել է Մենդելեևի կանխատեսած գալիում քիմիական էլեմենտը:
1878 - ծնվել է ռուս զորահրամանատար, Սպիտակ շարժման առաջնորդներից մեկը հանդիսացող Պյոտր Վրանգելը:
1884 – ծնվել է վրացի բանաստեղծ Ալեքսանդրե Աբաշելին։
1896 - Բրիտանական կայսրության և Զանզիբարի միջև տեղի է ունեցել աշխարհի ամենակարճ պատերազմը, որը գրանցված է Գինեսի ռեկորդների գրքում: Այն տևել է 38 րոպե:
1896 – ծնվել է հանրահայտ խորհրդային դերասանուհի Ֆաինա Ռանևսկայան:
1900 – Անգլիայում երթուղի են մտել առաջին միջքաղաքային ավտոբուսները:
1910 – ծնվել է կաթոլիկ վանուհի Մայր Թերեզան:
1911 - Մոսկվայում հիմնադրվել է ԲԿՄԱ ֆուտբոլային ակումբը։
1912 – էդգար Ռեյս Բերրոուզը ամսագրում հրատարակել է Տարզանի արկածների մասին պատմող առաջին պատմվածքը:
1916 - Առաջին համաշխարհայինպատերազմի ընթացքում Ռումինիան պատերազմ է հայտարարում Ավստրա-Հունգարիային:
1922 - Հույն-թուրքական պատերազմի ընթացքում թուրքերի զորքը գրավել է Էգեյան Աֆյոն-Կարահիսար քաղաքը:
1922 - Մոսկվայում լույս է տեսել «Կրոկոդիլ» հումորային ամսագրի առաջին համարը:
1946 - ԱՄՆ-ում փորձարկվել է օդաչուի կատապուլտվող բազկաթոռը:
1955 - Մեծ Բրիտանիայում լույս է տեսել Գինեսի ռեկորդների գրքի առաջին օրինակը:
1991 - Մոլդովան հայտարարել է իր անկախությունը Խորհրդային Միությունից:
2000 - Մոսկվայում գտնվող Օստանկինոյի աշտարակում ծագած հրդեհի զոհ է դարձել երեք մարդ:
2008 - 9 բալանոց երկրաշարժ է տեղի ունեցել Բայկալում:
Նյութը հրապարակման պատրաստեց Կամո Խաչիկյանը
