Առողջապահության նախարարությունը ներկայացրել է ԱՄՆ-ում հայտնաբերված COVID-19-ի նոր «յոտա» շտամի մասին տեղեկատվությունը

Lenta.ru-ն գրում է, որ Ռուսաստանի առողջապահության նախարարության Ուրալի դաշնային մարզի բժշկական կանխարգելման գլխավոր մասնագետ, բժշկական գիտությունների դոկտոր Սերգեյ Տոկարևը պատմել է Միացյալ Նահանգներում հայտնաբերված COVID-19-ի «յոտա»-ի նոր տեսակի մասին: Նա նոր շտամի մասին տեղեկությունները հայտնել է URA.RU- ին տված հարցազրույցում:

Մասնագետը վկայակոչեց MedRxiv պորտալի հոդվածը նշել է, որ նոր շտամից մահացությունը 82 տոկոսով ավելի է, քան նախորդ շտամների դեպքում էր: «Նյու Յորքում հայտնաբերվել է կորոնավիրուսի  «յոտա» անվանված նոր շտամը: Դա 82 տոկոսով ավելի բարձր մահացություն է տալիս հատկապես 45 տարեկանից բարձր տարիքում, և փոխանցվում է 25 տոկոսով ավելի արագ, քան մյուս մուտացիաները», - ասել է Տոկարևը: Նոր շտամն ավելի պաթոգեն և վարակիչ է և կարող է նաև խուսափել իմունային պատասխանից, վստահեցրել է մասնագետը:

Իմունոլոգ, «KEG» պայմանագրային հետազոտական ​​ընկերության գլխավոր տնօրեն, բ.գ.թ. Նիկոլայ Կրյուչկովը ևս խոսել է նոր շտամի մասին: «Հնարավոր կլինի որոշակի բան ասել միայն որոշակի ժամանակ անց, եթե այդ շտամի մասնաբաժինը սկսի արագ ավելանալ: Եթե ​​դա լինի, ապա նշանակում է, որ կան էվոլյուցիոն առավելություններ, որոնք հնարավորություն են տալիս հաջողությամբ մրցել  այլ տեսակների շտամների հետ», - ասել է իմունոլոգը: