Թուրքիայի հյուսիսում ջրհեղեղի հետևանքով չորս մարդ է զոհվել

Թուրքիայի հյուսիսում ջրհեղեղի հետևանքով զոհվել է չորս անձ, ևս մեկ անձ համարվում է անհետ կորած։ Այս մասին հայտնում է Թուրքիայի արտակարգ իրավիճակների նախարարությունը։

«Սև ծովի ափամերձ Կաստամոնու նահանգում ջրհեղեղի հեևանքով զոհվել է չորս անձ, ևս մեկ անձ էլ Բարթինի նահանգից համարվում է անհետ կորած»,-նշված է հայտարարության մեջ։

Թուրքիայում Սև ծովի ափամբերձ հատվածում գտնվող Սինոփ, Սամսուն, Բարթին, Կաստամոնու և Քարաբյուք նահանգներում օգոստոսի 10-ի երեկոյան սկսված առաջ տեղումների հետևանքով ջրգեղեղ էր սկսվել։

Ջրհեղեղի պատճառով էվակուացվել է Սինոփի հիվանդանոցներից մեկը։

Քարաբյուք նահանգում ջրհեղեղը կամուրջ է փլուզել, որի հետևանքով 13 մարդ ստացել է տարբեր աստիճանի մարմնական վնասվածքներ։

Հորդառատ անձրևի հետևանքով վնասվել է նաև Բարթին-Քարաբյուք նահանգներն իրար կապող ավտոճանապարհը։