Փորձագետը մեղադրել է Հայաստանին Ադրբեջանի հետ հակամարտության մեջ Ռուսաստանին ներքաշելու փորձերի մեջ
ՔԱՂԱՔԱԿԱՆՈՒԹՅՈՒՆ
lenta.ru-ն գրում է, որ Հայաստանը միտումնավոր փորձում է հետաձգել Լեռնային Ղարաբաղում սահմանագծման գործընթացը: Այս մասին News.ru-ին տված հարցազրույցում ասել է Պլեխանովի անվան ռուսական տնտեսական համալսարանի քաղաքագիտության և սոցիոլոգիայի ամբիոնի դոցենտ, «Ռուսաստանի սպաներ» փորձագիտական խորհրդի անդամ Ալեքսանդր Պերենջիևը:
Նա նշել է, որ հրետակոծության օգնությամբ հայկական կողմը կանխում է Զանգեզուրի միջանցքի ձևավորումը, որը պետք է Ադրբեջանի հիմնական մասը կապի Նախիջևանի հետ: Պերենջիևը մեղադրում է Հայաստանի ղեկավարությանը ռիսկեր ստեղծելու մեջ ոչ միայն իրենց, այլ նաև ռուս խաղաղապահների համար, որոնք պետք է ապահովեն անվտանգությունը սահմանամերձ գոտում:
Փորձագետն ասել է, որ Երևանի նման գործողությունները խոսում են Հայաստանի վարչապետ Նիկոլ Փաշինյանի կողմից Ռուսաստանին հակամարտության մեջ ներքաշելու փորձի մասին և ընդգծել է, որ նման ելքը հակասում է Ռուսաստանի ազգային շահերին: Նա միաժամանակ հավելել է, որ սահմանագծման ձգձգումը ձեռնտու է հայ «ռևանշիստներին», ովքեր չեն ցանկանում հրաժարվել պատերազմի ժամանակ կորցրած տարածքները վերադարձնելու ցանկությունից:
Ավելի վաղ Նիկոլ Փաշինյանը Ադրբեջանին մեղադրել էր սադրանքների և Ղարաբաղում հակամարտության սրման մեջ: Նա Ռուսաստանին կոչ էր արել կանխել դա և հայ-ադրբեջանական սահմանին սահմանապահների ու դիտորդների ուժեղ կետեր տեղադրել:
Նյութը հրապարակման պատրաստեց Կամո Խաչիկյանը
