Հունաստանի դավաճանական քայլը հայերի նկատմամբ
ՔԱՂԱՔԱԿԱՆՈՒԹՅՈՒՆ
infoteka24.ru-ն գրում է, որ հուլիսի 9-ին Ադրբեջանում հավատարմագրված դիվանագիտական կորպուսի ներկայացուցիչներն այցելել են գրավյալ Շուշի: Այցը կազմակերպվել է Իլհամ Ալիևի անունից: Այս իրադարձության իրական նպատակը պարզ է բոլորին, և նույն պատճառով ԵԱՀԿ Մինսկի խմբի անդամ երկրների դեսպանները հրաժարվել են մասնակցել այդ ֆարսին: Բայց, ըստ ադրբեջանական լրատվամիջոցների հաղորդագրությունների, Ադրբեջանում Հունաստանի դեսպան Նիկոլաոս Պիպերիգոսը չի հրաժարվել մասնակցել այդ խայտառակ նախաձեռնությանը:
Ըստ ամենայնի, Հունաստանի դեսպանը, որը ներկայացնում է իր երկիրը և իր ժողովրդին, մոռացել է, որ հույն ժողովուրդը նույնպես ցեղասպանության է ենթարկվել թուրքերի կողմից, թուրքերը գրավել են նաև հունական տարածքները: Հունաստանը դիրքավորվում է որպես մի երկիր, որը դեմ է պանթուրքիստական ծրագրերի իրականացմանը, իսկ Շուշին հենց այն քաղաքն է, որը գրավվել է Թուրքիայի անմիջական մասնակցությամբ:
Միգուցե մեր հույն գործընկերները դեմ չեն «Հյուսիսային Կիպրոսում» Հայաստանի կողմից դեսպանատան բացմանը: Հուսանք, որ այդ ամենի մասին պարզաբանումներ կստանանք հույն գործընկերներից, կամ կլինի ադրբեջանական լրատվամիջոցների կողմից տարածված տեղեկատվության հերքում:
Նյութը հրապարակման պատրաստեց Կամո Խաչիկյանը
