Ինչպե՞ս Կուրղինյանը օգնեց Փաշինյանին հաղթել ընտրություններում
ՔԱՂԱՔԱԿԱՆՈՒԹՅՈՒՆ
rambler.ru-ն գրում է, որ Հայաստանում ընտրություններից առաջ շատ ռուսական լրատվամիջոցներ սկսել էին զանգվածային արշավներ անցկացնել թեկնածու Նիկոլ Փաշինյանի դեմ նրան՝ մեղադրելով բազմաթիվ մահացու մեղքերի և հայ ժողովրդի շահերին դավաճանելու մեջ: REGNUM լրատվական գործակալության վերլուծաբան Ավիգդոր Էսկինը փորձել է պարզաբանել, թե հակափաշինյանական այդ քարոզարշավը քանի միավոր է ավելացրել ընտրություններում հաղթած Փաշինյանին:
Հայաստանի վերջին ընտրություններում լրատվամիջոցների հայտնի գործիչների կողմից Փաշինյանի հասցեին հայհոյանքների, պաշտոնական Մոսկվայի հետ Փաշինյանի վարչակազմի կառուցողական աշխատանքի և Փաշինյանի մրցակիցների ցույց տված աղետալի արդյունքների հետ կապված անհասկանալի իրավիճակը մտածելու տեղիք է տալիս: Որպես տեղեկատվական արտադրանքի սպառողներ՝ ռուսական ԶԼՄ-ների ընթերցողների տեսակետից պարզվել է, որ այդ սպառողը մոլորության մեջ է հայտնվել իրեն տրամադրված ծառայություններից:
Բազմաթիվ լրատվամիջոցներ և «խոսող գլուխներ», այդ թվում հայտնի, թեկուզ հուզական, բայց տրամաբանորեն մտածող վերլուծաբան Սերգեյ Կուրղինյանը հայաստանյան հասարակական կարծիքի գոնե օբյեկտիվ պատկեր ապահովելու փոխարեն կատաղի քարոզչություն էր վարում ընդդեմ Նիկոլ Փաշինյանի: Հնարավոր է, որ հենց նման հարձակողական գործողությունները և նախընտրական «հրետանային պատրաստությունը», առաջին հերթին հայ ժողովրդի համար, նշանակալի դեր է խաղացել Փաշինյանի հաղթանակի մեջ:
Նյութը հրապարակման պատրաստեց Կամո Խաչիկյանը
