2017թ.-ից փոփոխություն կլինեն. վարչապետ Կարեն Կարապետյանը նոր հանձնարարականներ տվեց
ՊԱՏՄՈՒԹՅԱՆ ԱՅՍ ՕՐԸ
Ձևավորված գործելաոճի համաձայն կառավարության նիստը վարչապետ Կարեն Կարապետյանը սկսեց հերթական հանձնարարականներով: Առաջին հանձնարարականը ուղղված էր ՊԵԿ նախագահի Վարդան Հարությունյանին: Վարչապետն ասաց. « Հաշվի առնելով գալիք տոները սահմանել աշխատանքային ժամերի հստակ գրաֆիկ՝ ներառելով դեկտեմբեր ամսի ոչ աշխատանքային և հունվարի տոնական օրերը»,- նշեց կառավարության ղեկավարը՝ հավելելով.
«Սա շատ լավ շանս է արտակարգ ռեժիմ սահմանել, որ մենք հասկանանք, թե մեր բաց տեղերը որն են, ու ինչ քայլեր կարող ենք անել: Կան դրական արձագանքներ, որ 5 օրվա մեջ ձևակերպում են արել, մինչդեռ առաջ 25 օր էր»: Այնուհետև Կարեն Կարապետյանը դիմեց Կենտրոնական բանկի ղեկավարին, նահանձնարարեց քայլեր ձեռնարկել, որ մինչև տոներն ու նաև տոնական օրերին բանկերն աշխատեն նաև շաբաթ և կիրակի օրերին:
Մյուս հանձնարարականը նույնպես առնչություն ուներ գալիք տոների:
Վարչապետը Տնտեսական մրցակցության պաշտպանության պետական հանձնաժողովի նախագահին հանձնարարեց առավել ուշադիր լինել առևտրային շուկայում գների արհեստական բարձրացման և հակամրցակցային գործողությունների կանխարգելման գործում, ապահովել տնտեսվարողների և սպատողների շահերը: Այնուհետև գործադիրի ղեկավարը դիմեց ԿԳ նախարարին՝ հանձնարարելով երեք շաբաթվա ընթացքում հստակ քայլեր ներկայացնել էլեկտրոնային ուսուման վերաբերյալ:
Վերջին հանձնարարականը տրվեց ՀՀ կառավարության աշխատակազմի ղեկավար-նախարար Դավիթ Հարությունյանին, նա պետք է հաջորդ շաբաթ կազմակերպի վարչապետի առանձին հանդիպումները տաս խոշոր հարկատուների, բանկերի, ներմուծողների և այլ անձանց հետ: Քննարկվելու են նրանց առջև ծառացած հարցերն ու խնդիրները:
