Ո՞ր մթերքները չի կարելի համատեղել կարտոֆիլի հետ
ՀԱՍԱՐԱԿՈՒԹՅՈՒՆ
Կարտոֆիլը մեծ քանակությամբ սննդային մանրաթելեր է պարունակում, ինչը դրականորեն է ազդում աղեստամոքսային տրակտի աշխատանքի վրա: Համարվում է, որ կարտոֆիլի կանոնավոր օգտագործումը կօգնի հեռացնել տոքսիններն օրգանիզմից եւ կանխել փորկապությունը: Այս մասին հայտնում է «ԻնոՍՄԻ»-ն` վկայակոչելով Soh պարբերականին:
Մասնագետների կարծիքով` բանջարեղենի մեջ պարունակվող մանրաթելը կարող է բարելավել մաշկի վիճակը եւ բարենպաստ ազդեցություն ունենալ կանանց օրգանիզմի թթվաալկալիական հավասարակշռության վրա՝ այդպիսով օգնելով պահպանել գեղեցկությունն ու երիտասարդությունը:
Բացի այդ, կարտոֆիլը մեծ քանակությամբ գլյուկոզա եւ տարբեր տարրեր է պարունակում, որոնք անհրաժեշտ են երեխայի մարմնի աճի եւ զարգացման եւ մեծահասակների բնականոն գործունեության համար:
Սակայն կարտոֆիլը չի կարելի համատեղել որոշ մթերքների, մասնավորապես` լոլիկի հետ: Մասնագետները խորհուրդ են տալիս կարտոֆիլ տապակելիս լոլիկ չավելացնել, քանի որ այս համադրությունը կարող է բացասաբար ազդել սննդանյութերի կլանման վրա եւ մարսողական խանգարումների հանգեցնել:
