Բայդենի հետ հանդիպմանը Հայոց ցեղասպանության ճանաչման հարցը չի քննարկվել․ Էրդողան
ՄԻՋԱԶԳԱՅԻՆ
ԱՄՆ նախագահ Ջո Բայդենի հետ հանդիպմանը չենք քննարկել Օսմանյան Թուրքիայում Հայոց ցեղասպանության ճանաչման հարցը: Այս մասին հայտարարել է Թուրքիայի նախագահ Ռեջեփ Էրդողանը։ Այս մասին հաղորդում է Ahval-ը:
«Փառք Աստծո, որ այն երբեք օրակարգում չի եղել»,- ժպտալով ասել է Էրդողանը։
Հիշեցնենք, որ Բրյուսել մեկնելուց առաջ Էրդողանը հայտարարել էր, որ «անհնար է» չհիշատակել Հայոց ցեղասպանությունը ճանաչելու Բայդենի որոշումը:
«Մենք շատ վշտացած ենք դրանից: Հնարավոր չէ, որ մենք այդ հարցը չբարձրացնենք հանդիպմանը»,- ասել էր Էրդողանը:
