Բաքուն 2-րդ բողոքն է ներկայացրել ՄԻԵԴ` պահանջելով Երևանից տրամադրել ականապատ դաշտերի քարտեզները

Ադրբեջանը 2-րդ միջպետական բողոքն է ներկայացրել Մարդու իրավունքների եվրոպական դատարան (ՄԻԵԴ)՝ Արցախում ականապատ դաշտերի և չպայթած զինամթերքի քարտեզների տրամադրման հետ կապված, որը Հայաստանը չի տրամադրում Ադրբեջանին: Այս մասին գրում է minval.az կայքը:

Կայքը նշում է, որ համատեղ հայտարարության ստորագրումից ի վեր, Հայաստանի կողմից տեղադրված հակահրետանային ականներից ու այլ պայթուցիկ սարքերից ավելի քան 120 մարդ է մահացել և վիրավորվել, այս թիվը շարունակում է աճել:

 Հիշեցնենք, որ նոյեմբերի 9-ին Ռուսաստանի, Հայաստանի և Ադրբեջանի ղեկավարները Լեռնային Ղարաբաղում ռուս խաղաղապահների տեղակայման շուրջ պայմանավորվածություն են ձեռք բերել, ստորագրվել է հայտարարություն, որով Ադրբեջանին են անցնում Արցախի յոթ շրջանները, Շուշին ու Հադրութը` բացառությամբ մի գյուղի, գյուղեր Ասկերանի ու Մարտունու շրջանից, ինչպես նաև Մարտակերտի շրջանի Թալիշ և Մատաղիս գյուղերը։