Պուտինը ԵԱՏՄ-ի երկրներին առաջարկել Է մասնակցել ներմուծման փոխարինման ռուսական ծրագրին
ՄԻՋԱԶԳԱՅԻՆ
Ռուսաստանի նախագահ Վլադիմիր Պուտինը ԵԱՏՄ-ի պետություններին հրավիրել Է մասնակցել ներմուծման փոխարինման ռուսական ծրագրին:
«Հեռանկարային եմ համարում Միության պետությունների ներգրավումը ներմուծման փոխարինման ծրագրում, որն իրականացվում Է Ռուսաստանում»,-նշել Է նա, տեղեկացնում Է «Արմենպրես»-ը՝ հղում անելով ՏԱՍՍ-ին:
«Մենք հրավիրում ենք մեր բոլոր գործընկերներին՝ համատեղ սարքավորումներ եւ համալրող մասեր արտադրել 25-ից ավելի ճյուղերում»,-ասել Է Պուտինը՝ ելույթ ունենալով Եվրասիական տնտեսական բարձրագույն խորհրդի նիստում:
ՌԴ նախագահը նշել Է, որ խոսքը, մասնավորապես, վերաբերում Է մեքենաշինությանը, Էլեկտրոնային եւ թեթեւ արդյունաբերությանը, գյուղատնտեսությանը:
Պետության ղեկավարը նաեւ պաշտպանել Է ԵԱՏՄ-ի եւ Եվրամիության փոխգործակցության կարգավորմանը նվիրված խորհրդաժողով անցկացնելու Ղազախստանի առաջարկությունը: «Ողջունում ենք ԵԱՏՄ-ի եւ ԵՄ-ի միջեւ փոխգործակցության կարգավորմանը նվիրված միջազգային խորհրդաժողով անցկացնելու ղազախստանցի գործընկերների նախաձեռնությունը: Անհրաժեշտ Է, որ Եվրասիական տնտեսական հանձնաժողովը ակտիվորեն ներգրավվի դրա մշակմանը»,-ասել Է Պուտինը:
Նա նաեւ առաջարկել Է ԵԱՏՀ-ին՝ առաջարկություններ պատրաստել ԵԱՏՄ-ի միասնական տեղեկատվական տարածության ստեղծման վերաբերյալ:
