Ռոբերտ Քոչարյանի դաշինքը բծախնդրորեն է ընտրել իր ծրագիրն ու թիմը

Երկրորդ նախագահ Ռոբերտ Քոչարյանի գլխավորած «Հայաստան» դաշինքը վստահ քայլերով շարունակում է իր քարոզարշավը, ներկայացրել նախընտրական ծրագիրն ու ընտրացուցակի առաջին հինգ տասնյակ թեկնածուներին։ Հպանցիկ ուսումնասիրությունն էլ փաստում է, որ Քոչարյանի թիմը բծախնդրորեն է մոտեցել թե՛ ծրագրի ստեղծմանը, թե՛ թեկնածուների ցանկին։ Ավելին, անգամ նախընտրական ֆոտոսեսիայի համար հագուստն են բծախնդրորեն ընտրել, ինչը վկայում է ընտրողի նկատմամբ հարգանքի, քարոզչական ճիշտ աշխատանքի մասին։ Ակնհայտ է, որ «Հայաստան» դաշինքի հետ քարոզչության ոլորտի լուրջ մասնագետներ են աշխատում, որոնք մինչ այս պահը որևէ կիքս թույլ չեն տվել։ Ի տարբերություն իշխող «Քաղաքացիական պայմանագրի», որի քարոզարշավը, նախընտրական ծրագիրը, ընտրացուցակն ու առաջնորդը խղճահարույց տեսք ունեն։ Քարոզարշավին իշխող ուժի դրսևորած վարքը դրա վառ ապացույցն է։

«Հայաստան« դաշինքն ընտրողին է ներկայանում լուրջ, սոլիդ, իրենց ոլորտներում կայացած և հաջողակ մարդկանց ցուցակով։ Դե իսկ, առաջին հնգյակի մասին խոսելն ավելորդ է։ Ընտրական ցուցակը գլխավորում է երկրորդ նախագահ Ռոբերտ Քոչարյանը, որին հաջորդում են ՀՅԴ Հայաստանի գերագույն մարմնի ներկայացուցիչ Իշխան Սաղաթելյանը, ԱԺ անկախ պատգամավոր, «Վերածնվող Հայաստան» կուսակցության անդամ Աննա Գրիգորյանը, կուսակցության առաջնորդ Վահե Հակոբյանը, նախկին փոխվարչապետ Արմեն Գրիգորյանը։ Ոչ պակաս կարևոր է նաև ընտրություններին մասնակցող թիմի վճռականությունը, այն վստահաբար փոխանցվում է նաև ընտրողին։ Ի դեմս Ռոբերտ Քոչարյանի և նրա թիմի, Հայաստանի քաղաքացին տեսնում է հաղթող ուժի՝ կառավարման, կրթության, առողջապահության, մշակույթի, տնտեսության ոլորտների առաջատար մասնագետներով:

Կարեն Իսկանդարյան