Բժիշկ Մյասնիկովը ներկայացրել է օգտակար համարվող սննդամթերքի տեսակները, որոնք իրականում վնասակար են օրգանիզմի համար

Մարդու սննդակարգը շատ կարևոր նշանակություն ունի նրա ընդհանուր առողջական վիճակի ու ինքնազգացողության համար, ուստի զարմանալի չէ, որ մասնագետները հորդորում են հարստացնել սննդակարգն օգտակար մթերքով։ Այնուամենայնիվ գոյություն ունեն օգտակար համարվող սննդամթերքի տեսակներ, որոնք իրականում բնավ օգտակար չեն և կարող ոչ միայն անարդյունավետ լինել, այլև վնասակար։

Ռուս հանրահայտ բժիշկ ու հաղորդավար Ալեքսանդր Մյասնիկովը ներկայացրել է օգտակար համարվող նմանատիպ սննդամթերքի տեսակներից մի քանիսը՝ բացատրելով՝ ինչու են դրանք իրականում վնասակար առողջության համար։

«Ամենակարևորի մասին» («О самом главном») հաղորդաշարի եթերում մասնագետը նշել է, որ նման մթերք կարող է համարվել գեմատոգենը, որը համարվում է շատ օգտակար արյան համար։ Մասնագետի խոսքով՝ այս մթերքն օգտակար համարելը բավական սխալ է, քանի որ ներկայում այն չի պարունակում արյան օգտակար բաղադրիչներ ու երկաթ, սակայն փոխարենը հարուստ է մեծ քանակությամբ օրգանիզմի համար վնասակար ճարպերով ու շաքարով։

Բացի այդ, բժիշկը խորհուրդ է տվել շատ զգույշ լինել նաև նարնջի հյութ օգտագործելիս, քանի որ առաջին հայացքից օգտակար համարվող այս մթերքը նույնպես կարող է վտանգավոր լինել։ Այս հյութը հարուստ է մեծ քանակությամբ վիտամին C-ով ու կալցիումով, ինչի շնորհիվ էլ համարվում է օգտակար առողջության համար, սակայն միևնույն ժամանակ այն կարող է բացասաբար անդրադառնալ օրգանիզմի համար՝ բարձրացնելով հիպերգլիկեմիայի ու ինսուլինակայունության զարգացման վտանգը, քանի որ պարունակում է մեծ քանակությամբ շաքար։

Մյասնիկովը նաև խորհուրդ է տվել հրաժարվել սպիտակաձավարի շիլայից, որը բացարձակապես օգտակար չէ։ Այն պարունակում է շատ մեծ քանակությամբ օսլա, ինչը հանգեցնում է արյան մեջ շաքարի մակարդակի կտրուկ տատանումների։ Նման տատանումները բարձրացնում են մետաբոլիկ խանգարումների, ինսուլինակայունության ու ճարպակալման հավանականությունը, ուստի այս մթերքը խորհուրդ է տրվում բացառել սննդակարգից։