«Գազպրոմ»-ը դարձել է Евро-2020-ի պաշտոնական հովանավոր ադրբեջանական SOCAR-ի փոխարեն
ՍՊՈՐՏ
sport24.ru-ն գրում է, որ Евро-2020-ի նոր պաշտոնական հովանավորը կլինի ռուսական «Գազպրոմ» էներգետիկ ընկերությունը: Այս մասին տելեգրամում գրել է լրագրող Վասիլի Կոնովը: Աղբյուրի համաձայն` Ադրբեջանի պետական նավթային ընկերությունը (SOCAR) այլևս հովանավոր չէ առաջիկա Եվրոպայի առաջնությանը: Նշվում է, որ SOCAR-ի խորհրդանիշն արդեն հանվել է մրցաշարի գործընկերների ցուցակից:
Ավելի վաղ, Հայաստանի ֆուտբոլի ֆեդերացիայի նախագահ Արմեն Մելիքբեկյանը խնդրել էր ՈՒԵՖԱ-ի գլխավոր քարտուղար Թեոդորոս Թեոդորիդիսին քննարկել SOCAR-ի որպես ՈՒԵՖԱ-ի հովանավորներից մեկի մնալու նպատակահարմարությունը պայմանավորված այն փաստով, որ ընկերությունը սկսել էր հրատարակել բազմաթիվ լուսանկարներ և տեսանյութեր ղարաբաղյան պատերազմից:
Եվրո-2020-ը կանցկացվի 2021 թվականի հունիսի 11-ից հուլիսի 11-ը եվրոպական մի շարք քաղաքներում, այդ թվում՝ Սանկտ Պետերբուրգում: Ռուսաստանի հավաքականը մտել է B խումբ, որտեղ նրա մրցակիցները կլինեն Բելգիայի, Դանիայի և Ֆինլանդիայի ազգային հավաքականները:
Նյութը հրապարակման պատրաստեց Կամո Խաչիկյանը
