Ադրբեջանցիներն անարգել խախտել են սահմանը Գեղարքունիքի մարզի ոչ թե մեկ, այլ երկու տեղում․Վրթանեսյան

Կարեն Վրթանեսյանը ֆեյսբուքյան էջում գրել է․

«Փաստորեն՝ 2 օր առաջ Գեղարքունիքի ևս մեկ հատվածում են առաջ եկել. «մայիսի 12-ին ադրբեջանցիները Գեղամասարի հատվածում խախտել էին պետական սահմանը, և սարերի ազատ տարածքներում մոտ 1-2 կմ առաջ եկել՝ Նորաբակ և Կութ համայնքների տարածքում»։

Եւ այսպես, ադրբեջանցիներն անարգել խախտել են սահմանը Գեղարքունիքի մարզի ոչ թե մեկ, այլ երկու տեղում. Նորաբակ / Կութ հատվածում և Վերին Շորժա գյուղի մոտ։

Երկու տեղն էլ մոտ 2կմ առաջ են եկել ԱՌԱՆՑ ՈՐԵՎԷ արգելքի։

Ինչքանով հասկանում եմ՝ հովիվներն են ադրբեջանցիներին նկատել, ոչ թե զինվորականները։

Այսինքն, այսպես կարող է պարզվել, որ ինչ-որ այլ տեղերում էլ են մտել, ուղղակի դեռ ոչ ոք չի նկատել։

Դուք հասկանո՞ւմ եք Հայաստանի անվտանգությունն այսօր ինչ վիճակում է։

6 ամիս որևէ աշխատանք չի արվել, բացի Նիկոլի հետույքը պահելուց։

Բնագիծ չկա, բաց է։

Նոյեմբերի 10-ից ասում ենք, գոռում ենք, մեզ ճղում ենք, որ եթե Նիկոլը մնաց իշխանության ղեկին, այսպես է լինելու։

6 ամիս է՝ շարունակում եմ լսել. «Վայ, միայն նախկինները չգան, վայ, Քոչարյանին հավան չեմ, Սերժին հավան չեմ, Վանեցյանին հավան չեմ, Վազգեն Մանուկյանին հավան չեմ» և այլն, և այլն։

Իլհամ Ալիևի՞ն եք հավան»։