ՀԱՄԱՍ-ը հրթիռային հարված է հասցրել Իսրայելում գտնվող քիմիական գործարանին. լրատվամիջոցներ

Գազայի հատվածը վերահսկող ՀԱՄԱՍ-ի ռազմական թևը` «Իզզեդդին ալ-Քասամի բրիգադները»  հայտարարել է Իսրայելի քիմիական գործարանին հարված հասցնելու մասին: Այս մասին ուրբաթ, մայիսի 14-ին, իր թվիթերյան էջում հայտարարել է Times of Israel- ի խմբագիր Էմանուել Ֆաբիանը, գրում է «Իզվեստիա»-ն:

Նշվում է, որ հարձակման ենթարկված օբյեկտը գտնվում է Նիր-Օզ բնակավայրում: Հարվածը հասցվել է «Շիհաբ» անօդաչու սարքի միջոցով:

Երուսաղեմում հուզումները սկսվել են մայիսի 7-ին: Արաբ երիտասարդների և ոստիկանության միջև բախումները բռնկվել են մայիսի 8-ի երեկոյան, այնուհետև շարունակվել՝ տարածվելով Տաճարի լեռան և Ալ-Աքսա մզկիթի տարածքում: Դրանք իրենց գագաթնակետին հասել են մայիսի 10-ին, երբ հրեաները նշում են Երուսաղեմի օրը: Բախումների սկզբից ի վեր Գազայի հատվածից ավելի քան 1800 հրթիռ է արձակվել Իսրայելի ուղղությամբ: 850 հրթիռ հատել է Իսրայելի սահմանը, ևս 200-ը ընկել՝ Գազայի հատվածում: Բախումների ընթացքում կան զոհեր և վիրավորներ, այդ թվում՝ խաղաղ բնակչության շրջանում: Իսրայելի բանակը հայտարարել Է, որ ոչնչացրել Է ՀԱՄԱՍ-ի հետախուզության հանգուցային դեմքերի, այդ թվում՝ ՀԱՄԱՍ-ի ռազմական հետախուզության անվտանգության բաժնի ղեկավարին ու նրա տեղակալին: