Կորոնավիրուսի ծանր ընթացքը վտանգավոր է ասթմատիկ, ճարպակալում ունեցող և դիաբետիկ երեխաների համար

Kp.ru-ն գրում է, որ որոշ երեխաների մոտ կարող է զարգանալ հետկովիդային համախտանիշ, իսկ մյուսների մոտ՝ ոչ: Թե կոնկրետ ինչի հետ է դա կապված, փորձագետները դեռ չեն կարողանում հաստատապես ասել: Այնուամենայնիվ, բժիշկներն արդեն հիշեցնում են, որ կան երեխաների ռիսկային խմբեր, որոնք առավել ենթակա են կորոնավիրուսով վարակվելու ընթացքում ունենալ հիվանդության ծանր ընթացք: Այս մասին գրված է հետազոտողների զեկույցում, որի հետ ծանոթացել է kp.ru-ն:

Այսպիսով, մասնագետներն այդ կատեգորիայում ընդգրկել են 1 տարեկանից ցածր երեխաներին: Այլ երեխաները ևս, անկախ տարիքից, նույնպես վտանգված են, եթե ունեն հետևյալ հիվանդությունները.

- ասթմա կամ թոքերի քրոնիկ հիվանդություն

- շաքարախտ

- գենետիկ, նյարդաբանական կամ նյութափոխանակության հիվանդություններ

- մանգաղաբջջային անեմիա

- բնածին սրտի հիվանդություն

- իմունոսուպրեսսիա (իմունային համակարգը թուլացած է հիվանդության կամ դեղորայքի պատճառով)

- բազմակի քրոնիկական վիճակներ ունեցող երեխաներ

- ճարպակալում: