Ո՞վ և ինչո՞ւ է սաբոտաժի ենթարկում «երեք կայսրերի միությունը»
ՔԱՂԱՔԱԿԱՆՈՒԹՅՈՒՆ
iarex.ru-ն գրում է, որ Հայաստանի առաջին նախագահ Լևոն Տեր-Պետրոսյանը հրապարակավ կոչ է արել իր հետնորդներին՝ նախագահներ Ռոբերտ Քոչարյանին և Սերժ Սարգսյանին, իրենց աջակցող քաղաքական ուժերի հետ միասին մասնակցել առաջիկա արտահերթ խորհրդարանական ընտրություններին ընդհանուր դաշինքով, որը կոչվում է «Ազգային համաձայնության դաշինք»:
Ինչպես խոստովանել է Տեր-Պետրոսյանը, նա ավելի վաղ արդեն նման առաջարկություն էր արել, բայց Ռոբերտ Քոչարյանը մերժել էր այդ գաղափարը, վկայակոչելով զուտ բարոյական դրդապատճառները, այսինքն նման կերպ ինքը դավաճանելու է իր ստեղծած «Հայրենիքի փրկության շարժմանը»: Ինչ վերաբերում է Սերժ Սարգսյանին, ապա նա ոչ մի կերպ չի արձագանքել այդ առաջարկին: Ավելի վաղ, Ռոբերտ Քոչարյանը հայտարարել էր, որ մասնակցելու է առաջիկա ընտրություններին, և քննարկվում է նախընտրական դաշինքի կազմը, որը կներառի երկու-երեք կուսակցություն: Իսկ Սերժ Սարգսյանը չի խոսել ընտրությունների մասին, միայն հայտարարել է, որ այլևս ղեկավար պաշտոններ չի զբաղեցնի:
Դեռ 2020 թվականի դեկտեմբերին քաղաքագետ Ռաֆայել Ռուբինյանը գրել էր, որ Հայաստանին անհրաժեշտ է իրական համախմբում, որն ընտրությունների միջոցով կկարողանա փոխել գործող կառավարությանը: Իրոք, Հայաստանում ընտրությունները դեռ երբեք չեն լուծել իշխանափոխության հարցը: Համախմբում ասելով` Ռուբինյանը նկատի է ունեցել չորս նախագահների դաշինքը, որը հնարավորություն կտար երկիրը ճգնաժամից դուրս բերել:
«Նման կերպ Հայաստանում կարող է ձևավորվել քառյակ: Եվ հաշվի առնելով Լևոն Տեր-Պետրոսյանի, Ռոբերտ Քոչարյանի, Սերժ Սարգսյանի և Արմեն Սարգսյանի շատ հարցերի շուրջ կարծիքների անհամապատասխանությունները` քառակողմ շրջանակում կստեղծվի բնական զսպումների և հավասարակշռության համակարգ», - գրել էր փորձագետը:
Նյութը հրապարակման պատրաստեց Կամո Խաչիկյանը
