Չելսին դիտարկում է Ազարին վերադարձնելու հնարավորությունը

«Չելսին» կարող է թիմ վերադարձնել Էդեն Ազարին, որը լոնդոնցիների կազմում հանդես է եկել 2012-2019 թվականներին։

Ինչպես հաղորդում է ABC.es-ը՝ Մադրիդի «Ռեալը» «Չելսիի» դեմ ՉԼ կիսաեզրափակիչ պատասխան խաղից հետո հիասթափվել է բելգիացի ֆուտբոլիստի պահվածքից, որն իր թիմի պարտությունից հետո ուրախ շփվում էր նախկին թիմակիցների հետ։ Կադրերը չէին վրիպել տեսախցիկներից։
 
Հիմա անգլիական ակումբը դիտարկում է ֆուտբոլիստին վերադարձնելու հնարավորությունը։ Ավելի վաղ հայտնի էր դարձել, որ մադրիդցիները 50 մլն եվրո են սահմանել Ազարին վաճառելու գինը։