Վերլուծաբանները պատմել են Եգիպտոս թռիչքների պահանջարկի աճի մասին Թուրքիան փակելուց հետո
ՀԱՍԱՐԱԿՈՒԹՅՈՒՆ
news.vtomske.ru-ն գրում է, որ OneTwoTrip ծառայության վերլուծաբանները պատմել են, թե ինչպես են փոխվել ավիատոմսերի պահանջարկն ու գները Ռուսաստանի ու Թուրքիայի միջև չվերթների սահմանափակման մասին լուրից հետո: Նրանց խոսքով` աճել է Եգիպտոսի և Կիպրոսի նկատմամբ պահանջարկը: Եգիպտոսի տոմսերը սկսել են 70%-ով ավելի հաճախ փնտրել: Դեպի Կիպրոս թռիչքների գները սկսել են 63%-ով ավելի հաճախ ստուգել, իսկ Մարոկկոյինը 55%-ով: Շատերը սկսել են թռիչքներ որոնել դեպի Սերբիա (50% աճ), Բելառուս և ԱՄԷ(երկու դեպքում էլ 49% աճ), Մալդիվներ (47% աճ), Մոնտենեգրո (41% աճ), Վրաստան (31% աճ) և Հայաստան (20% աճ): Եթե հաշվի առնենք քաղաքները, ապա Թուրքիայի փակվելուց հետո ճանապարհորդների մեծ մասին սկսել են հետաքրքրել դեպի Սոչի, Գելենջիկ և Սիմֆերոպոլ թռիչքները, նշում են փորձագետները:
Ավելի վաղ, հաղորդվել էր, որ Սոչին, Ղրիմը և Կրասնոդարը դարձել են երկրում մայիսյան արձակուրդների ամենասիրված ուղղությունները: Միևնույն ժամանակ, ըստ տուրիստական գործակալությունների, Թուրքիայի փակվելուց հետո աճել են ներքին առողջարանների գները: Գների ամենամեծ աճը նկատվել է Ղրիմում հանգստանալու համար:
Նյութը հրապարակման պատրաստեց Կամո Խաչիկյանը
