Սերժ Սարգսյանը 2018-ի ապրիլյան իրադարձությունների մասին հարցազրույց է տվել կինոռեժիսոր Մհեր Մկրտչյանին

ՀՀ երրորդ նախագահը կատարեց իր խոստումը՝ «Իշխանություն» ֆիլմի ռեժիսոր և սցենարիստ Մհեր Մկրտչյանի հետ զրույցը 2018թ. ապրիլյան իրադարձությունների մասին և ոչ միայն, կայացավ:

Ֆիլմի պրեմիերայից հետո ռեժիսոր Մհեր Մկրտչյանը ֆեյսբուքյան իր էջում գրել էր․

«Իշխանություն» ֆիլմի պրեմիերային ես պատահական չէի հայտնվել ՀՀ երրորդ նախագահ Սերժ Սարգսյանի կողքին:

Ես եմ հրավիրել, ես եմ փոխանցել հրավիրատոմսը ու դիմավորել «Մոսկվա» կինոթատրոնի դիմաց:

Ֆիլմում իմ ստեղծած կերպարներից մեկն էլ նախագահի կերպարն է, և ես ունեի հնարավորություն ֆիլմը դիտելու ընթացքում հարցեր տալու նրան:

Իսկ հարցերը նոր հարցեր ծնեցին: Պայմանավորվեցինք խոսել ֆիլմի մեջ տեղ գտած իրականի և ոչ իրականի մասին, ֆիլմի իշխանության և իրական իշխանության մասին: Ու ոչ միայն՝ 2018-ի մասին, մարդկանց մասին... ես ունեմ հարցեր, մենք բոլորս ունենք հարցեր...

Նկարահանելու ենք մեր զրույցը: Ես լրագրող չեմ, մեր զրույցը էդ տեսանկյունից կլինի ոչ պրոֆեսիոնալ, բայց անկեղծ»։

Կինոռեժիսորի և ՀՀ երրորդ նախագահի անկեղծ զրույցը՝ շուտով ArmNews TVի եթերում:

Այն հասանելի կլինի նաև ՀՀ երրորդ նախագահի գրասենյակի ֆեյսբուքյան պաշտոնական էջում և յութուբյան ալիքում: