Ամեն չորրորդ մարդ բախվում է կողմնակի էֆեկտների կորոնավիրուսի դեմ պատվաստումից հետո

Ամեն չորրորդ մարդ բախվում է կողմնակի էֆեկտների կորոնավիրուսի դեմ պատվաստումից հետո: Հիմնականում դրանք ոչ լուրջ կողմնակի էֆեկտներ են ներարկման հատվածում կամ գլխացավ: Այս մասին ասվում է նոր հետազոտության մեջ, որը հրապարակվել է Lancet Infectious Diseases ամսագրում:

ZOE COVID Symptom Study հավելվածից տվյալների վերլուծությունը, որն անցկացրել են Լոնդոնի Թագավորական քոլեջից հետազոտողները, ցույց է տվել, որ  Pfizer-ի եւ  AstraZeneca-ի պատվաստանյութերով պատվաստումից հետո բնակչության մոտ կոմղնակի էֆեկտներն ավելի քիչ են, քան հաղորդվել է փորձարկումների ընթացքում:

Հետազոտությունը ցույց է տվել,  որ՝

• Պատվաստվածների 25,4 տոկոսը նշել է մեկ կամ մի քանի կողմնակի էֆեկտ, այն դեպքում, երբ 66,2 տոկոսը հայտնել է մեկ կամ մի քանի տեղային կողմնակի էֆեկտների մասին;
• Կողմնակի էֆեկտների մասին հայտնել է մասնակիցների 13,5 տոկոսը Pfizer-ի առաջին դեղաչափի ընդունումից հետո, Pfizer-ի երկրորդ դեղաչափից հետո 22,0 տոկոսը, AstraZeneca-ի առաջին դեղաչափից հետո 33,7 տոկոսը;
• Ամենից հաճախ հանդիպող կողմնակի էֆեկտներից է եղել գլխացավը;
• Երկրորդ ամենահաճախ հանդիպող կողմնակի էֆեկտը՝ հոգնածությունը, մասնակիցների 8,4 եւ 14,4 տոկոսը հայտնել է Pfizer-ի առաջին եւ երկրդ դեղաչափից հետո հոգնածության մասին, իսկ 21,1 տոկոսը՝ AstraZeneca-ի առաջին դեղաչափից հետո հոգնածության մասին;
• Լոկալ կողմնակի էֆեկտներից է եղել նաեւ ցավը. Pfizer-ի առաջին եւ երկրորդ դեղաչափից հետո 57,2 եւ 50,9 տոկոսը հայտնել է ցավի մասին:

Հետաքրքիր է, որ կողմնակի էֆեկտները հաճախ հանդիպել են մինչեւ 55 տարեկան անձանց եւ կանանց մոտ: