Ըմբշամարտի Եվրոպայի առաջնություն. Արման Ավագյանը հաղթեց ու երեկոյան կգոտեմարտի բրոնզե մեդալի համար

Լեհաստանի մայրաքաղաք Վարշավայում շարունակվում է ըմբշամարտի Եվրոպայի առաջնությունը:

79 կգ քաշային կարգում հանդես եկող Արման Ավագյանը երեկ սկսեց պայքարը՝ 1/8 եզրափակչում մաքուր հաղթանակ տոնելով Էդուարդ Տատարինովի նկատմամբ, սակայն քառորդ եզրափակչում պարտվեց Գուլաևին: Վերջինս հասավ եզրափակիչ ու Ավագյանը քիչ առաջ սփոփիչ գոտեմարտում 12-1 հաշվով հաղթեց մակեդոնացի Դեյան Միտրովին: Երեկոյան Ավագյանը վրացի Նիկա Կենտչաձեի հետ կվիճարկի բրոնզե մեդալը:

Քիչ անց մրցագորգ դուրս կգա 74 կգ քաշային Հրայր Ալիխանյանը: