Փորձագետը գնահատել է Ղարաբաղում ռազմական գործողությունների վերսկսման վտանգը
ՔԱՂԱՔԱԿԱՆՈՒԹՅՈՒՆ
ria.ru-ն գրում է, որ ըստ Եվրասիական զարգացման փորձագիտական կենտրոնի գործադիր տնօրեն Ստանիսլավ Պրիտչինի` Ղարաբաղում ռազմական գործողությունների վերսկսման ռիսկերը հասցված են նվազագույնի մինչև 99%, սակայն Երևանի հետ հարաբերությունների կարգավորումը և տնտեսական համագործակցության հաստատումը երկար տարիներ կպահանջի։
«Ղարաբաղում ռազմական գործողությունների վերսկսման ռիսկը նվազագույն է: Հնարավոր է ֆորս-մաժոր, բայց, ընդհանուր առմամբ, աշխարհաքաղաքական, ռազմավարական, դիվանագիտական, միջազգային իրավական իրավիճակների պատճառով ռազմական գործողությունների վերսկսման ռիսկերը նվազագույն են: Հայաստանը չունի ռեսուրսներ և հնարավորություններ` փոխելու առկա ստատուս-քվոն, Ադրբեջանը կանգնած է տնտեսական համագործակցության իրականացման, Երևանի հետ հարաբերությունների կարգավորման խնդրի առջև: Ներկայիս ստատուս-քվոն բխում է Ադրբեջանի շահերից: Իրավիճակը համեմատաբար կայուն է», - կիրակի օրը Բաքվում լրագրողներին ասել է փորձագետը:
Ըստ փորձագետի` Ղարաբաղի հարցով համաձայնագրերից դուրս գալու բացասական սցենարը չեն դիտարկում ո՛չ հայ, ո՛չ էլ ադրբեջանցի վերլուծաբանները:
Նյութը հրապարակման պատրաստեց Կամո Խաչիկյանը
