COVID-19-ով հիվանդացածների մոտ հայտնաբերել են ոչ սովորական էֆեկտ
ՀԱՍԱՐԱԿՈՒԹՅՈՒՆ
regnum.ru-ն գրում է, որ մարդկանց մոտ, որոնք ունեցել են COVID-19, և որոնք հակավիրուսային դեղեր են ընդունել, եղունգները կարող են լուսարձակել ուլտրամանուշակագույն լույսի ներքո: Այդ անսովոր ազդեցության մասին հայտնել է նոր բուժված հիվանդներից մեկը:
Նա ասել է, որ երբ փորձարկել է նվեր ստացած ուլտրամանուշակագույն LED լապտերը, հանկարծ հայտնաբերել է, որ մատների եղունգները լուսարձակում են: Հետո նա շարունակել է փորձարկել իր լապտերը կորոնավիրուսով հիվանդ իր ընկերների վրա: Եղունգների լուսարձակում հայտնաբերվել է մոտ մեկ տասնյակ մարդկանց մոտ:
Բժշկական թունաբան, գիտական լրագրող Ալեքսեյ Վոդովոզովը բացատրել է, որ այդ ֆենոմենը կոչվում է բիոլյումինեսցենցիա, և դրա պատճառը ոչ միայն ֆավիպիրավիր դեղամիջոցն է, որը Ռուսաստանի Դաշնության Առողջապահության նախարարությունը խորհուրդ է տալիս օգտագործել կորոնավիրուսային վարակի բուժման համար, այլ նաև հիդրօքսիքլորոխինը, որը լայնորեն օգտագործվել է համաճարակի առաջին ալիքի ժամանակ:
Ըստ նրա` կարելի է ենթադրել, որ կամ դեղամիջոցի մոլեկուլները, կամ էլ դրա մետաբոլիտները գործում են որպես լյումինոֆորներ, և, կուտակվելով եղունգներում ուլտրամանուշակագույն ճառագայթների ազդեցության տակ ստացված էներգիան, վերադարձնում են լուսարձակման ձևով:
Նյութը հրապարակման պատրաստեց Կամո Խաչիկյանը
