ԵՄ-ն ոչ մի հիմք չունի կասկածելու «Սպուտնիկ V»-ն
ՀԱՍԱՐԱԿՈՒԹՅՈՒՆ
lenta.ru-ն գրում է, որ ԵՄ-ն ոչ մի հիմք չունի կասկածելու «Սպուտնիկ V»-ն: Այդ մասին լրագրողների հետ հանդիպման ժամանակ ասել է Եվրահանձնակատար Թիերի Բրետոնը:
«Այո, ես կարծում եմ, որ «Սպուտնիկ V»-ն լավ պատվաստանյութ է: Ռուսաստանում լավ գիտնականներ կան, ուստի ես կասկած չունեմ պատվաստանյութի որակի հարցով»,- ասել է Բրետոնը:
Նա հավելել է, որ պատվաստանյութը պետք է օգտագործվի ԵՄ տարածքում: Նա կարծում է, որ Եվրահանձնաժողովը պետք է օգնի դրան, բայց միևնույն ժամանակ անհրաժեշտ է գնահատել նաև Եվրոպայի արտադրական կարողությունները: Եվրահանձնակատարը հիշեցրել է, որ բոլորն արդեն իսկ ներգրավված են պատվաստանյութերի արտադրության մեջ:
Reuters գործակալությունը վկայակոչելով իր աղբյուրներին՝ հաղորդել է ԵՄ երկրներում «Սպուտնիկ V» կորոնավիրուսային պատվաստանյութ մշակողների հետ բանակցություններ սկսելու ԵՄ երկրների մտադրության մասին: Նշվել է, որ գործընթացի մեկնարկը սկսելու համար պահանջվում է ԵՄ չորս երկրների կողմից հայտ: Ավելին, գործակալության զրուցակցի խոսքով, Իտալիան ուսումնասիրում է «Սպուտնիկ V»- ի արտադրության հնարավորությունը ReiThera գործարանում, որտեղ գտնվում է պատվաստանյութերի արտադրության համար երկրի ամենամեծ բիոռեակտորը:
Նյութը հրապարակման պատրաստեց Կամո Խաչիկյանը
