Թող նախ նայեն իմ գործունեությունը, հետո նոր լեզուները երկարացնեն. Սոֆյա Հովսեփյանը՝ Ալեն Սիմոնյանին

Առհասարակ, երբ որեւէ մեկը փորձում է անվանական վարկաբեկել ինձ, նախ թող վերցնի իմ անցած ուղին մինչեւ քաղաքականություն մտնել, համեմատի, նաեւ քաղաքականություն մտնելուց հետո թող համեմատ թե գործունեության, թե վարկանիշի առումով եւ հետո նոր լեզուները երկարացնեն: Այս մասին, այսօր՝ մարտի 24-ին, ԱԺ-ում լրագրողների հետ զրույցում նշեց ԱԺ պատգամավոր Սոֆյա Հովսեփյանը՝ անդրադառնալով ԱԺ փոխխոսնակ Ալեն Սիմոնյանը հայտարարությանը, թե «Իմ քայլը» լքած պտգամավորները, այդ թվում Սոֆյա Հովսեփյանը չեն կարող հպարտանալ պատգամավորական բուռն գործունեությամբ:

«Ես եմ քաղաքական ուժի վարքագծից նեղված դուրս եկել, փոխանակ ես այդ շատ վրդովված վարքագիծ դրսեւորեմ, իրենք են վրդովվում: Անգամ թող քայլ չանեն: Ես խորհուրդ եմ տալիս իրենք լռեն, ոչինչ չխոսեն, եթե պետք է խոսեն, ավելի շատ կտուժեն, որովհետեւ ստիպելու են, որ հաշվետվություն ներկայացնեմ, թե 2018-ի հունիսից սկսած ինչ գործունեություն եմ ծավալել, նաեւ դրանից ռաջ ինչ հասարակական գործունեություն եմ ծավալել եւ ով են եղել իրենք առհասարակ»,-ասաց նա: