ՀՀԿ – ն պայքարելու է հանուն իր իդեալների և գլխավոր խոչընդոտ՝ կապիտուլյանտի, ու նիկոլիզմի դեմ. Շարմազանով

Հանրապետական կուսակցությունը ոչ մի քաղաքական գործընթացի դիտորդ չի լինելու, Հանրապետական կուսակցությունը անելիք և ասելիք ունի, Հանրապետական կուսակցությունը պայքարելու է իր իդեալների համար՝ բնականաբար՝ ընդդեմ անկախության, ինքնիշխանության, Արցախյան հակամարտության հայեցի լուծման գլխավոր արգելքի։ Իսկ գլխավոր խոչընդոտը՝ «նիկոլիզմն» է, կապիտուլյանտը հենց այդ «նիկոլիզմի» մարմնավորումն է։ Այս մասին ֆեսբուքի իր էջում գրել է ՀՀԿ ԳՄ անդամ Էդուարդ Շարմազանովը և հավելել

ՀՀԿ-ն՝ Հայաստանի անկախ երրորդ հանրապետության ամենակայացած քաղաքական ուժերից է։

ՀՀԿ-ի կադրային բազան բավականին պրոֆեսիոնալ է, հարուստ, բայց եկեք խոսենք բոլոր հարցերի մասին, երբ ժամանակը գա։

Դե յուրե մենք ընտրությունների օր չունենք, մենք ունենք սոցիալական ցանցերում հրապարակում։ Երբ նա հրաժարական տա, երբ խորհրդարանը երկու անգամ նոր վարչապետ չընտրի, գուցե և ընտրի, կամ վարչապետի պատասխանատվությունը մնում է նրա վրա, կամ որևէ մեկի վրա, կամ նա կգնա Լևոն Տեր-Պետրոսյանի սցենարով, կամ կհեռանա Հայաստանից... ինչ գիտենք, թե երեք ամիս հետո ի՞նչ կլինի։ Հենց որ ԿԸՀ-ն հայտարարի ընտրությունների օրը, մենք համապատասխան ժամկետներում կարտահայտենք մեր կարծիքը։,- գրում է Շարմազանովը