Վթարի հետեւանքով հոսպիտալացաված վարորդը մահացել է

Արտակարգ իրավիճակների նախարարությունը տեղեկացնում է, որ նախօրեին Աշնակ-Դավթաշեն ավտոճանապարհին տեղի է ունեցած ՃՏՊ-ի հետեւանքով, «Opel Astra» մակնիշի ավտոմեքենայի վարորդը մահացել է։

«Մարտի 13-ին, ժամը 20:15-ին Արագախոտնի մարզային ճգնաժամային կառավարման կենտրոն ահազանգ է ստացվել, որ Աշնակ-Դավթաշեն ավտոճանապարհին տեղի է ունեցել ՃՏՊ։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Երեւան-Գյումրի ավտոճանապարհի 61-րդ կմ-ին բախվել են «Opel Astra» (վարորդ՝ Ա․ Հ․, ծնված 1992 թ.) եւ «KaMAZ» մակնիշների ավտոմեքենաները:

Մինչ փրկարարների՝ կանչի վայր հասնելը «Opel Astra» մակնիշի ավտոմեքենայի վարորդը հոսպիտալացվել է Թալինի ԲԿ, որտեղ բժիշկները տուժածի առողջական վիճակը գնահատել են ծանր, այնուհետեւ կապ է հաստավել Թալինի ԲԿ-ի հերթապահ բժշկի հետ, ով տեղեկացրել է, որ Ա․ Հ․-ն մահացել է։

Փրկարարները հոսանքազրկել են ավտոմեքենան եւ փակել գազի բալոնի փականը»,- ասվում է ԱԻՆ-ի հաղորդագրության մեջ։

Հիշեցնենք՝ ավելի վաղ հայտնել էինք, որ վարորդը ծայրահեղ ծանր վիճակում տեղափոխվել է Թալինի բժշկական կենտրոն։