Հիմա ավելի շատ փորձում են սիրաշահել. «Փաստ»

Որքան էլ Արցախի իշխանությունները փորձում են ցույց տալ, թե որևէ ձևով չեն աջակցում ՀՀ իշխանություններին ներքաղաքական գործընթացներում, սակայն մասնավորապես Բաղրամյան պողոտայում տեղի ունեցող հանրահավաքների, երթերի մասնակից արցախցիները հավաստիացնում են, որ Արայիկ Հարությունյանի մերձավոր շրջապատի տարբեր դեմքերից հավաքներին չմասնակցելու վերաբերյալ հորդորներ են ստանում։ «Փաստ» թերթի տեղեկություններով, եթե նախկինում, որպես կանոն, դրանք սպառնալիքների ձևով էին լինում, ապա հիմա սիրաշահելու, վարկերի «ջրման», նոր վարկեր ստանալու, սոցիալական տարբեր ծրագրերի ներգրավման խոստումների միջոցով է իրականացվում։

Ըստ էության, Արայիկ Հարությունյանը հասկանում է, որ Նիկոլ Փաշինյանի դիրքերի թուլացումը ավտոմատ կերպով հանգեցնելու է իր իշխանության առավել թուլացմանը. ներկայումս էլ Հարությունյանի վարկանիշն ընկած է, ավելին՝ վերջինիս նկատմամբ ժողովրդի վստահությունը պատմական մինիմումի է հասել։ Մեր աղբյուրի փոխանցմամբ, Հարությունյանը վերջին ճիգերն է գործադրում իրեն ու իր իշխանությունը փրկելու համար։

Մանրամասները՝ «Փաստ» օրաթերթի այսօրվա համարում