Ջեյդոն Սանչոն չի խաղա «Բավարիայի» դեմ

Դորտմունդի «Բորուսիայի» անգլիացի կիսապաշտպան Ջեյդոն Սանչոն չի մասնակցի չեմպիոն «Բավարիայի» դեմ Գերմանիայի առաջնության 24-րդ տուրի հանդիպմանը, հաղորդում է ակումբի մամուլի ծառայությունը։

«Բորուսիային» այդ խաղում չեն օգնի նաեւ կիսապաշտպաններ Ռաֆայել Գերեյրուն ու Ջովանի Ռեյնան։

Ընթացիկ մրցաշրջանում Սանչոն «Բորուսիայի» հետ մասնակցել է 31 հանդիպման, խփել 12 գոլ, կատարել 12 գոլային փոխանցում։

«Բավարիա» - «Բորուսիա» հանդիպումը տեղի կունենա մարտի 6-ին և կմեկնարկի Երեւանի ժամանակով 21:30-ին։ 23 խաղից հետո «Բավարիան» 52 միավորով գլխավորում է մրցաշարային աղյուսակը, դորտմունդցիները 39 միավորով 5-րդ տեղում են: