Համավարակի պատճառով մարդիկ ավելի հաճախ են սկսել չարաշահել հոգեակտիվ նյութերը

Կորոնավիրուսի համավարակը հանգեցրել է այն մարդկանց թվի աճին, ովքեր չարաշահում են հոգեակտիվ նյութերը: Դա նաեւ հասցրել է հոգեկան առողջության եւ ճարպակալում ունեցող մարդկանց շրջանում քաշի հետ կապված վարքագծի խնդիրների մեծ տարածման: Այս մասին հայտնում են Վաշինգտոն նահանգի համալսարանի եւ UTHealth-ի առողջապահության դպրոցի գիտնականները:

Հետազոտության շրջանակներում, որը հրապարակվել է Clinical Obesity ամսագրում, գիտնականները հետազոտել են ճարպակալում ունեցող 589 պացիենտների: Խմբի գրեթե կեսը հայտնել է, որ ռեկրեացիոն թմրանյութերի եւ ալկոհոլի օգտագործման մասին, իսկ 10%-ը հաղորդել է համավարակի մեկնարկից հետո դրանց օգտագործման աճի մասին: 17 պացիենտներ COVID-19-ի դրական պատասխան են ունեցել:

Պացիենտների 24,3%-ը նշել է հարցմանը նախորդած 30 օրվա ընթացքում ափիոնանմանների, 9,5%-ը` սեդատիվ միջոցների կամ տրանկվիլիզատորների, 3,6%-ը` մարիխուանայի, 1%-ը` խթանիչների օգտագործման մասին։

Հարկ է նշել, որ այս բոլոր պացիենտների շրջանում հարցումն արվել է 2020 թվականի հունիսի 1-ից սեպտեմբերի 30-ը` Հյուսիսային Տեխասում ինքնամեկուսացումը վերացնելուց հետո: