Ռուս գիտնականը պատմել է Կասպից ծովի ծանծաղացման մասին
ՀԱՍԱՐԱԿՈՒԹՅՈՒՆ
inaktau.kz-ն գրում է, որ ըստ «Գրադիենտ» գեֆիզիկական հետազոտությունների կանխագուշակման լաբորատորիայի վարիչ Վիկտոր Բոկովի` Կասպից ծովի ջրերի զգալի իջեցումը, որը անհանգստացրել է ծովամերձ բնակավայրերի բնակիչներին, չպետք է հատուկ անհանգստություն առաջացնի, քանի որ ծովի ջուրը կվերադառնա։ Ըստ գիտնականի` ծանծաղուտի հետ կապված նման իրավիճակ է եղել մի քանի տարի առաջ Կալինինգրադում:
«Այն ժամանակ ճանաչված մի երկրաֆիզիկոս ինձ զանգահարել և ասել էր, որ ջրհորներում ջուր չկա, մարդիկ սկսել են վախենալ երկրաշարժից, մանավանդ որ որոշ ցնցումներ են եղել: Բայց ամբողջ հարցը մշտական անտիցիկլոնի մեջ է, որը կանգնած է այս տարածքում և ճնշում է մակերևույթը, արդյունքում ջուրը կիլոմետրերով կողմ է քաշվել: Նույնը տեղի է ունենում ներկայումս Կասպից ծովում: Առկա է ընդգծված հակացիկլոնային ակտիվություն, իսկ ցիկլոններ եթե անգամ լինում են, ապա դրանք փոքր են և արագ «անցնում» են»,- ասել է փորձագետը:
Նա նշել է, որ ներկայիս պայմաններում կարևոր է «հաշվի առնել այն, որ շատ բան կախված է Վոլգա գետից, որտեղ առկա են հակացիկլոններ, ուստի ջրի հոսքը պակասել է, այսինքն երկու գործոն է ազդել՝ գետային և հակացիկլոնային եղանակ, սակայն ջուրը, անկասկած, կվերադառնա Կասպից ծով»:
Վիկտոր Բոկովը նշել է, որ Կասպից ծովի սեյսմիկ իրավիճակը կապված է նաև հակացիկլոնների հետ, սակայն առաջիկայում շոշափելի ցնցումներ չեն սպասվում: Եվ, այդուհանդերձ, դրապատճառներից մեկը գլոբալ տաքացումն է:
«Ջերմաստիճանն ազդում է երկրի մակերեսի շերտերի ընդարձակման վրա: Ավելին, ջերմությունն այնտեղից է գալիս, ավելանում է ճեղքվածքների վրա ճնշումը, որը և կարող է երկրաշարժ առաջացնել: Բայց, իհարկե, ավելի կարևոր են մթնոլորտային գործընթացները », - ասաց գիտնականը:
Փորձագետը հերքել է նաև տարածված այն վարկածը, որ ցնցումները կարող են կապված լինել Հայաստանի և Ադրբեջանի միջև ռազմական իրադարձությունների, մասնավորապես հրթիռների և հրետանու օգտագործման հետ:
Նյութը հրապարակման պատրաստեց Կամո Խաչիկյանը
