«ՀԺ»․ Կարեն Կարապետյանը շարունակում է ճոխ գնումներ անել

«Հայկական ժամանակ. թերթը գրում է. «Վարչապետ Կարեն Կարապետյանը շարունակում է ճոխ գնումներ անել: Կառավարությունը հոկտեմբերի 25-ին 864 հազար դրամով «Մանգասար» ընկերությունից գնել է մի նկար: Պաշտոնական փաստաթղթերի համաձայն՝ նկարի հեղինակը Ցոլակ Ազիզյանն է:

Կառավարությունն այդ նկարը գնել է Եվրասիական միջկառավարական խորհրդի եւ ԱՊՀ կառավարությունների խորհրդի նիստին ՀՀ-ի մասնակցելու առիթով: Հիշեցնենք, որ հոկտեմբերի 27-28-ը վարչապետ Կարեն Կարապետյանն աշխատանքային այցով մեկնել էր Մինսկ՝ մասնակցելու վերը նշված նիստին:

Իսկ այս նկարն էլ նա գնել է հավանաբար հյուրընկալող երկրի՝ Բելառուսի վարչապետին կամ նախագահ Ալեքսանդր Լուկաշենկոյին նվիրելու համար:

Ի դեպ, Կարեն Կարապետյանն իր հետ նաեւ ինը հատ «Նաիրի» եւ «Դվին» բարձրակարգ կոնյակ է տարել՝ հավանաբար ԵՏՄ անդամ երկրների իր գործընկերներին նվիրելու համար»:

Առավել մանրամասն՝ թերթի այսօրվա համարում