Ոստիկան Մհեր Հարությունյանի մայրը որդուն ճանապարհեց Արցախ և այսօր էլ աչքը նրա վերադարձի ճանապարհին է (տեսանյութ)
ՀԱՍԱՐԱԿՈՒԹՅՈՒՆՀՀ Ոստիկանությունը նյութ է պատրաստել պատերազմում զոհված ոստիկանության աշխատակից Մհեր Հարությունյանի մասին:
Ոստիկանության ավագ սերժանտ Մհերը Հարությունյանը պատերազմի սկսվելուն պես զինվորագրվեց և մեկնեց ռազմաճակատ: Մհերի հայրն ազատամարտիկ է, իսկ եղբայրը պատերազմի ժամանակ նույնպես կամավորագրվել էր:
«Եղբայրը կամավոր գրվեց, բայց ես թույլ չտվեցի, որ գնա: Ասացի՝ մեկը հերիք է, բա մեզ ո՞վ պետք է տիրություն անի»,- պատմում է Մհեր Հարությունյանի մայրը՝ Անահիտ Հարությունյանը:
Մհերը սովորում էր Վանաձորի պետական համալսարանում: Հաջողությամբ անցել էր դիպլոմի նախապաշտպանությունը, հաշված օրերին էին մնացել դիպլոմի պաշտպանությանը: Մհերը վերջերս էր ամուսնացել:
«Շատ նպատակներ ուներ: Ցանկանում էր լավ ուսում ստանալ, հետագայում բարձր պաշտոններ զբաղեցնել»,- նշում է Մհերի կինը՝ Լենա Սարգսյանը:
Մհեր Հարությունյանը նահատակվել է հոկտեմբերի 4-ին արկի պայթյունից:
