Ես մեռել եմ 89թ., ես չկամ, ես իմ սիրունությունը, երջանկությունը եւ ջահելությունն եմ տվել էս հայրենիքին․ կին փոխգնդապետ
ՀԱՍԱՐԱԿՈՒԹՅՈՒՆ
Փոխգնդապետ Անահիտ Մարտիրոսյանն իր կյանքի ընթացքում հասցրել է ականատես լինել Բաքվում հայերի ջարդին, մասնակցել Արցախյան առաջին,ապրիլյան ու Արցախյան վերջին պատերազմներին:
Ընկեր Անահիտն ասում է, որ ինքը մեռավ 1989 թվականին, երբ ադրբեջանցի հարևանի տղան հրոսակախմբի հետ իր ու որդիների աչքի առաջ գլխատեց ամուսնուն: Որոշ ժամանակ հետո Անահիտը ռազմի դաշտում հանդիպեց նույն հարևանի տղային ու…
Կին փոխգնդապետն ասում է, որ մեր 18 տարեկան զինվորները առյուծ են, նրանց ոգին այնքան հզոր էր ու պատերազմի ժամանակ նրանց դիմակայությունը հերոսություն էր՝ աննկարագրելի,հպարտեցնող ու ապրեցնող:
Ինքն իրեն բնութագրում է որպես սովորական հայ կին, ում ընկերները միշտ ու միայն դաշույններ են նվիրում: Միշտ ասում է. «Երբ մեր հողերը վերադառնան իրենց իրական տերերի մոտ՝ հայ կինը ստիպված չի լինի նման իրեր պահել որպես հիշատակ»:
ArmDaily.am-ի հետ զրույցում ասում է, որ երբ դիրքեր է գնում՝ նորից երիտասարդանում է:
Չի կարողանում հաշտվել վերջին պատերազմի ընթացքում տեսածի ու դրա ավարտի հետ, չի կարողանում հաշտվել կորուստների հետ,սակայն ասում է. «Մենք պիտի ապրեցնենք մեր զոհված էրեխեքի երազանքները, հանուն իրենց պիտի ապրենք ու հանուն իրենց հետ բերենք մեր հողերն ու դեռ ավելին»:
