Ինձ ամենասովորական աղջիկներն են դուր գալիս. հետաքրքիր փաստեր համաշխարհային սրտակերի կյանքից

Լեոնարդո Դի Կապրիոն չի ունեցել և չունի մեծ մրցանակներ, քննադատներն էլ նրա մասին առանձնապես լավ կարծիքի չեն, սակայն իր կյանքի 38 տարիների ընթացքում նա հասցրել է դառնալ Հոլիվուդի ամենապահանջված դերասաններից մեկը: Այն, որ նա տաղանդ ունի, անվիճելի փաստ է, սակայն մինչ այսօր կան մարդիկ, ովքեր ասոցացնում են Լեոյին խորտակված Տիտանիկի երիտասարդ տղայի հետ:

Չնայած Լեոն իր այդ դերից համաշխարհային փառք ձեռք բերեց, սակայն հասկացավ, որ դա այն չէ, ինչին ինքը ձգտում էր: Պետք է անել քո գործը բոլորից լավ, թե չէ որքան էլ սիրունիկ մռութիկ ունենաս, կմոռացվես վայրկյանների ընթացքում:

Հաջողակ դերասանների շարքը վերադառնալու համար Դի Կապրիոն տարիներ ծախսեց, չէ՞ որ Տիտանիկից հետո մի քանի անհաջող ֆիլմեր եղան: Այսօրվա դրությամբ Դի Կապրիոյին կարելի է կապել շատ հիանալի ֆիլմերի հետ, բացի այդ նա հայտնի է Victoria’s Secret-ի մոդելների հանդեպ սիրովշ:

Հիանալի դերասան, լավ որդի, վստահելի ընկեր, մի քիչ կնամոլ, սակայն հիասքանչ մարդ' Լեոնարդո Դի Կապրիո:

Լեոնարդո Դի ԿապրիոԽոսում է Լեոնարդո Դի Կապրիոն…

Ի տարբերություն շատ դերասանների' իմ ճակատագիրը մանկուց կանխորոշված չէր: Ես մեծանում էի Հոլիվուդի արվարձաններում և մտածում էի, որ խելագար եմ դառնալու:

Չնայած ես ծնվել եմ Հոլիվուդում, սակայն մինչև 13 տարեկան վստահ էի, որ դերասան լինելը մասոնականության պես մի բան է, որ կա արյան մեջ և փոխանցվում է գեներով:

Չգիտես ինչու մտքովս չէր անցնում, որ կարելի է պարզապես գործակալ վարձել ու գնալ լսումների:

Չեմ սիրում դպրոցը. այնտեղ ստիպում են կենտրոնանալ այնպիսի բաների վրա, որոնք չես ուզում իմանալ:

Դպրոցում ինձ վրա գրեթե ուշադրություն չէին դարձնում: Ամեն դեպքում մինչև այն ժամանակ, երբ չսկսեցի ինձ ապուշի պես պահել:

Դուրս գալիս է մորս վերաբերմունքն իմ հաջողության հանդեպ: Հիշում եմ, որ երբ ճանաչված դարձա, նա ամեն առավոտ ներս էր մտնում սենյակս ու ասում. «Վեր կաց, մարզվիր ու հերիք է ալարես, փոքրիկ քնաթաթախ որդուկ»:

Փառքի ուրախությունը բավականին արագ է անցնում, իսկ դու սկսում ես հասկանալ, որ գլխավորն այն չէ, որ փողոցում ամեն մեկը սկսում է ճանաչել քեզ, այլ այն, որ քեզնից հետո կմնան քո ֆիլմերը:

Չեմ կարծում, որ պետք է ատել պապարացիներին: Իհարկե դա ներխուժում է անձնական կյանք: Սակայն ես զզվում եմ այն աստղերից, որոնք կարող են ժամերով խոսել, թե որքան են ատում պապարացիներին, սակայն հետո ուրախանալ, երբ դեղին մամուլում տեսնում են իրենց պապարացիական լուսանկարները:

Ինձ ամենասովորական աղջիկներն են դուր գալիս. նրանք, ում ամեն օր տեսնում ենք փողոցում' ուսանողուհիներ, մատուցողուհիներ և այլն:

Այն, որ երբեմն խնջույքների ժամանակ հայտնվում եմ արական սեռի ընկերներիս հետո, չի նշանակում, որ ես համասեռամոլ եմ կամ ցանկանում եմ այդպիսին դառնալ:

Աշխարհում ամենից շատ ցանկանում եմ անպատասխանատու հիմար լինել, ինչպիսիք են իմ ընկերներից շատերը: Սակայն երբ հետո մտածում եմ դրա հետևանքների մասին, հասկանում եմ, որ դժվար թե կարող եմ դա ինձ թույլ տալ:

Միշտ մտածել եմ, թե արդյոք կարող եմ Ռոմեո խաղալ: Սակայն երբ հետո տեսա Կիանու Ռիվզին «Մեծ աղմուկ ոչնչից» ֆիլմում, հասկացա, որ եթե նա կարողացել է խաղալ շեքսպիրյան ֆիլմում, ուրեմն ես անհանգստանալու բան չունեմ:

Երբեք ոչ ոքի չեմ համոզի հրաժարվել թմրանյութերից: Եթե մեկին մի քանի անգամ ասում ես «ոչ», դրանով միայն մոտեցնում ես նրան թմրանյութերին:

Ինձ թվում է, որ Ամերիկայի գլխավոր խնդիրն այն է, որ այն փորձում է կանոններ հաստատել այն երկրներում, որոնց մասին այն բացարձակ ոչինչ չգիտի:

Միշտ ձգտիր ճշմարտության:

1. Լեոյի մայրը իր՝ դեռ չծնված փոքրիկի առաջին խաղը զգացել է հենց այն պահին, երբ դիտում էր Լեոնարդո Դա Վինչիի կտավներից մեկը: Նա որոշեց՝ եթե տղա ծնվի, նրան Լեոնարդո կանվանի: Եվ հետո այդ անունը շատ էր սազում այն ազգանվանը, որ երեխան պիտի կրեր: Լեոյի հոր անուն-ազգանունը Ջորջ Դի Կապրիո է:

 2. Հարկ է նշել, որ իր կարիերայի ամենասկզբում այս հնչեղ անունը շատ էր խանգարում Լեոյին: Ժամանակին պրոդյուսերներից մեկը ամեն կերպ համոզում էր Լեոյին անվանափոխվել ու դառնալ Լեննի Ուիլյամս՝ խոստանալով այդ դեպքում նրա հետ համագործակցել: Սակայն Լեոն համառեց: Այժմ այս մասին հիշելիս Դի Կապրիոն ծիծաղում է ու ավելացնում. «Իմ անվան պատճառով ես այդ պրոդյուսերից այդպես էլ դեր չստացա, ավելին՝ դեռ երկու տարի էլ ստիպված էի սպասել, մինչև հայտնվեց մի ողջախոհ պրոդյուսեր, որին չխանգարեց իմ անունը»:

 3. Լեոյի դերասանական կարիերան մեկնարկեց, երբ նա ընդամենը 13 տարեկան էր: Նա «Santa Barbara» սերիալում մարմնավորեց կրտսեր Մեյսոնին, իսկ ահա արդեն 19 տարեկանում «What’s Eating Gilbert Grape» ֆիլմում ունեցած դերի համար նա առաջին անգամ առաջադրվեց Օսկարի:

 4. Sony ընկերությունը համաձայն չէր, որ հենց Լեոն լիներ Շերոն Սթոունի խաղընկերը 1995թ. նկարահանված The Quick and the Dead ֆիլմում: Սակայն Սթոունը անվերապահորեն հավատում էր, որ այդ դերը հենց Լեոյի համար է, ու ֆիլմի տնօրինությանը համոզելու համար նա խոստացավ հրաժարվել իր հոնորարի կեսից, միայն թե Լեոն դերի համար հաստատվի: Հետագայում Entertainment Weekly-ին տված հարցազրույցի ժամանակ Սթոունն ասում է. «Լեոն այդ դերի մեջ այնքան սքանչելի էր, որ նույնիսկ սարսափելի էր: Ես պատրաստ էի կյանքս տալ միայն նրա համար, որ հենց նա լիներ այս ֆիլմում: Ես նույնիսկ պատրաստ էի այդ տղային մեջքիս շալակած հասցնել նկարահանման հարթակ»:

5. 90-ականների երիտասարդության համար Լեոնարդո Դի Կապրիոն այդպես էլ մնաց անգերազանցելի դերասան, իսկ Titanic ֆիլմում նրա կերտած Ջեյք Դոուսոնի կերպարը առհավետ դրոշմվեց այն ժամանակվա դեռահաս աղջիկների ռոմանտիկ երազանքների մեջ: Իսկ ահա Լեոյի համար այս ֆիլմն իսկական հիասթափություն էր: Նախ՝ նա բոլորովին չէր ուզում ստանձնել այս դերն ի սկզբանե:

Մինչ այս դերը Լեոն արդեն հասցրել էր խաղալ մի քանի բարդ, խառնվածքային դերեր, ուստի ռոմանտիկ սիրահարի կերպարի հետ նա չէր հարմարվում: Սակայն Ջեյմս Քեմերոնի երկար համոզումներից հետո դա տեղի ունեցավ: Այս ֆիլմի շնորհիվ Լեոն ձեռք բերեց հետագա իր ողջ կյանքի ամենանվիրված ընկերներից մեկին՝ Քեյթ Ուինսլեթին: Իսկ վերջերս Լեոն մի հարցազրույցի ժամանակ պատմեց. «Օրերս Քեյթի ու Ջեյմսի հետ Titanic-ի 3D տարբերակն էինք դիտում: Աստված իմ, ես ու Քեյթը վերջնականապես հիասթափվեցինք ինքներս մեզանից»:

6. Մի քանի խոսք Լեոյի թերությունների մասին: Պարզվում է՝ հոլիվուդյան սրտակերը չունի բարձրագույն կրթություն: Նա դպրոցում ցածր առաջադիմություն ուներ, բայց փոխարենը լավ երգեհոն է նվագում: Մանկությունից մնացած մի վատ սովորություն ունի Լեոն՝ լարված պահերին նա եղունգներն է կրծում: Նա գրեթե միշտ սիրավեպ է ունենում իր խաղընկերուհիների հետ և առհասարակ, նա միշտ Հոլիվուդի ամենասրտակեր կնամոլների եռյակում է:

 7. Եվ այնուամենայնիվ, Լեոն անկրկնելի է: Խարիզմատիկ ու ցնդելու աստիճան տաղանդավոր, երբեմն տարօրինակ, երբեմն էլ երեխայական պարզությամբ այս կինոգիգանտը համարվում է աշխարհի ամենագեղեցիկ 50 տղամարդկանցից մեկը: Նրա հոնորարները նույնչափ տպավորիչ են, որքան որ դերասանի ֆիլմացանկը (մեկնարկային չափը 20 մլն դոլար է), և ինչպես ցանկացած գիտակից ու մեծահոգի մարդ, Լեոն նույնպես զբաղվում է բարեգործությամբ:

Բնապահպանական խնդիրները Լեոյի վերջին տարիների մտահոգությունն են: Այդ թեմային նա անդրադարձավ նույնիսկ Օսկարի արձանիկը ստանալու կապակցությամբ իրեն տրամադրված խոսքում: Նեպալյան վագրերի փրկության համար նա 3 մլն դոլար է նվիրաբերել, նույնքան գումար էլ նվիրաբերել է Հյուսիսային Սառուցյալ Օվկիանոսը գլոբալ տաքացումից փրկելու գործին:

 8. Լեոն սիրում է շքեղ նվերներ անել իր ընկերներին ու հարազատ մարդկանց: Նա պարբերաբար, առանց որևէ առիթի աստղաբաշխական արժեքներով նվերներ է գնում իր ամենամտերիմ մարդուն՝ սիրելի մորը: