Հայկական Գյումրին կստանա Խաբարովսկի եղբայր քաղաքի կարգավիճակ
ՀԱՍԱՐԱԿՈՒԹՅՈՒՆ
russkie.org-ը գրում է, որ Խաբարովսկի քաղխորհրդի պատգամավորներ Տարոն Գրիգորյանը նշել է, որ իրենք շատ բծախնդրորեն են մոտեցել եղբայր քաղաքի ընտրության գործին: Պատգամավորը հավելել է, որ Հայաստանը ևս մեծ հետաքրքրություն է ցուցաբերել նման գործընկերության նկատմամբ և առաջարկել է 15 քաղաքների թեկնածությունների ընտրություն:
Պատգամավորն անձամբ է այցելել այդ ԽՍՀՄ նախկին հանրապետություն, որտեղ ճանապարհորդել է մի քանի քաղաքներով և Հեռավոր Արևելքի Խաբարովսկ քաղաքի համար ընտրել հավանական երկվորյակին: Նա Հայաստան է ժամանել վերջին ողբերգական իրադարձությունների զոհերի համար Խաբարովսկի Հայերի միության կողմից հավաքված մարդասիրական բեռով:
Գյումրին ներկայումս հանրապետության մեծությամբ 2-րդ քաղաքն է: Այնտեղ եղել է բանաստեղծ Ալեքսանդր Պուշկինը և անմահացրել քաղաքը իր «Ճանապարհորդություն դեպի Էրզրում» աշխատության մեջ: Գյումրին այսօր էլ գրավիչ է զբոսաշրջիկների համար:
Խաբարովսկի խորհրդարանականը համոզմունք է հայտնել, որ եղբայր քաղաքների հարաբերությունները պետք է երկուստեք շահավետ լինեն: Պետք է բարելավել զբոսաշրջային փոխհամագործակցությունը: Մեկ այլ շարժառիթ կլինի կրթության ոլորտում գործընկերությունը, ուսանողական և ակադեմիական փոխանակումները կդառնան կանոնավոր: Կավելանան ներդրումներն ու առևտուրը, ինչը նպաստավոր է Խաբարովսկի զարգացման համար: Ենթադրվում է, որ քաղաքների եղբայրացման բոլոր պարտադիր ընթացակարգերը կավարտվեն մինչև 2021 թվականի գարունը:
Նյութը հրապարակման պատրաստեց Կամո Խաչիկյանը
