Սննդաբանը նշել է խմիչքի ազդեցությունը նվազեցնող խորտիկը

Սունկն ալկոհոլի համար կատարյալ խորտիկ է, քանի որ իր մեջ պարունակվող սորբենտի օգնությամբ նվազեցնում է ալկոհոլի ազդեցությունը: Այս մասին «Москва» գործակալությանը հայտնել է բժիշկ-սննդաբան, Սննդաբանների ազգային ասոցիացիայի անդամ Մարինա Մակիշան:

Մակիշայի համաձայն՝ սունկը խիտոզան է պարունակում:

- Սա սննդային մանրաթելերի կատեգորիա է, որոնք լավ սորբենտներ են համարվում, իսկ ցանկացած սորբենտներ օգնում են նվազեցնել օգտագործված ալկոհոլի չափաքանակը,- բացատրել է սննդաբանը:

Մակիշան խորհուրդ է տալիս օրական 300 գրամից ավել սունկ չօգտագործել, քանի որ խիտոզանը չլուծվող է, և դրա մեծ քանակը կարող է ծանրաբեռնել մարսողական համակարգը: Սնկի անվնաս քանակն օրական 100-150 գրամ է:

Նյութը հրապարակման պատրաստեց Լիլիթ Ամիրաղյանը