«Այսօր Սյունիքում էի՝ Շուռնուխ, Որոտան. մարդիկ վճռական էին, իրենք իրենց հողի տերն են, բայց…». Սոֆյա Հովսեփյան
ՀԱՍԱՐԱԿՈՒԹՅՈՒՆ
Ազգային ժողովի «Իմ քայլը» խմբակցության պատգամավոր Սոֆյա Հովսեփյանը ֆեյսբուքյան իր էջում գրել է․
«Իմ շատ սիրելի հայ ազգ , 2020-ի ամփոփումը բարդ:
Անհամբեր սպասել եմ այս օրվան՝ մի ներքին համոզմամբ , որ 2020 թվականի հեռացումը վերջ կդնի հայ ազգի ծանր ու անդառնալի կորուստներին ու կդառնա պատմություն, որը կստիպի վերաարժևորման կարևոր ճանապարհ անցնենք։
Ավանդույթի համաձայն, ամանորի նախաշեմին, վերջին տարիներին լինում եմ սահմանամերձ գյուղերում, բայց ամեն անգամ ոգևորություն էի ապրում , քանի որ մեր սահմանաբնակներն այնքան էին ամրացել այս տարիների ընթացքում, որ մեզ էին ոգևորում և իրենց ուժով ապրեցնում։
Այսօր Սյունիքում էի ՝ Շուռնուխ , Որոտան …
Չէ, չմտածե՛ք, մարդիկ մարտական էին, մարդիկ վճռական էին, իրենք իրենց հողի տերն են, բայց…
Մի քանիսը արդեն ապահովության համար իրենց տանից դուրս են գալիս և ամանորի շեմին տարիներով ստեղծածը ստիպված են թողնել…
Նյութական առումով կարող ենք ասել, որ հին տուն էր, ավելի լավը կունենա, ավելի նոր տան մեջ գալիք տարին կնշեն, բայց ինչպես ասվում է Ա . Իսահակյանի «Համբերանքի չիբուխ»-ում՝
Սուլթանների ճաշից լավ է։
Խնդրում եմ մեկնաբանություններ չգրեք գրառմանս տակ և հնարավորություն տանք բոլորիս, տարեմուտի այս վերջին րոպեներին խորհենք անցածի մասին և աղոթենք թե զոհված զինվորների հոգու հանգստության համար, թե՛ գերեվարված ու անհետ կորածներին շուտ վերադարձի համար, թե վիրավոր զինվորների արագ ապաքինման համար:
