Պատմության այս օրը (դեկտեմբերի 24)

ՈՐՈՇ ՏՈՆԵՐ - Ռուսաստան՝ Ռազմական փառքի օր, Ուկրաինա՝ Արխիվային աշխատողի օր, Մերձդնեստր՝ Սահմանադրության օր:

ՀԱՅԱՍՏԱՆՈՒՄ

1888 — վախճանվել է հայազգի ռուս պետական և ռազմական գործիչ, գեներալ Միխաիլ Լորիս-Մելիքովը:

 1895 – ծնվել է գրող և ճարտարագետ, հայկական նորագույն զինյալ ազատագրական պայքարի հերոս, Հայաստանի ազատագրության գաղտնի բանակի հիմնադիրներից մեկը հանդիսացող Գուրգեն Յանիկյանը:

1919 - ծնվել է հայ խորհրդային փիլիսոփա Մեհենդակ Մելիքյանը:

1968 - ծնվել է գեղանկարիչ Պետրոս Պետրոսյանը:

1974 – վախճանվել է հայ լուսանկարիչ Իդա Քարը (Քարամյան):

1940 – վախճանվել է  խորհրդահայ ռազմական գործիչ, քաղաքացիական պատերազմի հերոս Գասպար Ոսկանյանը:

2006 - առավոտյան ժամը 9:00-ի սահմաններում Երևանի «Նաիրիտ» ՓԲԸ արտադրամասերից մեկում բռնկվել է հրդեհ, այրվել են լաք էթինոլ տեսակի քիմիական նյութի երկու ռեզերվուար՝ յուրաքանչյուրը 300 տոննա տարողությամբ:

2008 - ուրուգվայահայ մարզիչ Սերխիո Մարգարյանը դարձել է Չիլիի ֆուտբոլային ուժեղագույն ակումբներից մեկի` «Ունիվերսիդադ»-ի նոր գլխավոր մարզիչ:

2010 - Հայ բնապահպանները բողոքի ցույց են անցկացրել Երևանում բացված դելֆինարիումի դեմ:

2012 - Լևոն Տեր-Պետրոսյանը հայտարարել է , որ չի առաջադրվի առաջիկա ընտրություններին և «ասպարեզ զիջում է ավելի երիտասարդներին»:

2013 - Մոսկվայում կայացել է ԵԱՏՄ բարձրագույն խորհուրդի նիստ, որտեղ  հաստատել է Մաքսային միությանը և Բելառուսի, Ղազախստանի և Ռուսաստանի Միասնական տնտեսական տարածքին Հայաստանի միանալու միջոցառումների ծրագիրը («ճանապարհային քարտեզը»):

2019 - Ձերբակալվել է «5-րդ» ալիքի սեփականատերը՝ Արմեն Թավադյանը: Նա մեղադրվել է երկրորդ նախագահի ենթադրյալ աջակցի գործով։

ԱՇԽԱՐՀՈՒՄ

1167 — ծնվել է Անգլիայի թագավոր Հովհաննես Անհողը:

1294 — կարդինալների կոնկլավը նոր Հռոմի պապ է ընտրել կարդինալ Բենեդետտո Կաետանիին, որը ընդունել է Հռոմի պապ Բոնիֆացի 8-րդ անունը:

1761 — ծնվել է օսմանական սուլթան Սելիմ 3-րդը:

1777 – Ջեյմս Կուկը հայտնաբերել է ամենամեծ ատոլային կղզին` Կիրաբատի կղզեխմբի Սուրբ Ծննդյան կղզին:

1801 — անգլիացի մեխանիկ-նախագծող Ռիչարդ Տրեվետնիկը ցուցադրել է իր ստեղծած առաջին շոգեավտոմեքենան:

1811 — Յուտլանդիայի ափերի մոտ խորտակվել են «Defence» և «St-George» գծային նավերը, որի արդյունքում զոհվել է 1318 մարդ:

1818 - ծնվել է անգլիացի հանրահայտ ֆիզիկոս Ջեյմս Պրեսկոտտ Ջոուլը:

1822 – ծնվել է անգլիացի բանաստեղծ և արվեստի տեսաբան Մեթյու Առնոլդը։

1865 — ԱՄՆ-ում հիմնադրվել է Կու-Կլուքս-Կլան կազմակերպությունը:

1868 – ծնվել է գերմանացի նշանավոր շախմատիստ, շախմատի աշխարհի 3-րդ չեմպիոն Էմանուել Լասկերը:

1872 — վախճանվել է անգլիացի ֆիզիկոս, թերմոդինամիկայի և շոգեմեքենաների տեսության հիմնադիր Ուիլյամ Ռանկինը:

1889 — վախճանվել է բժիշկ-թերապևտ, ռուսական բժշկության դասական, հասարակական գործիչ Սերգեյ Բոտկինը:

 1900 — արտասահմանում լույս է տեսել Ռուսաստանի Սոցիալ-Դեմոկրատական կուսակցության «Իսկրա»  թերթի առաջին համարը:

1901 — ծնվել է ռուս խորհրդային գրող, քննադատ, տեսաբան, հասարակական գործիչ Ալեքսանդր ֆադեևը (կուսակցական մականունը Բուլիգա):

1905 - հիմնադրվել է Սան Պաուլու նահանգի պատկերասրահը:

1906 – ծնվել է անգլիացի դետեկտիվ գրող Ջեյմս Հադլեյ Չեյզը:

1914 – Առաջին համաշխարհային պատերազմի ժամանակ սկսվել է Սուրբ Ծննդյան հրադադարը:

1924 — Ալբանիան դարձել է հանրապետություն:

1942 - Երկրորդ համաշխարհային պատերազմի ժամանակ խորհրդային բանակի 24-րդ տանկային կորպուսը  «Փոքր Սատուրն» օպերացիայի ընթացքում գրավել է Տացինյան կայարանը և ոչնչացրել դրա մոտ գտնվող օդանավակայանը, որի միջոցով գերմանացիները իրականացնում էին Ստալինգրադի տակ շրջապատված 6-րդ բանակի մատակարարումը:

1943 — Երկրորդ համաշխարհային պատերազմի ժամանակ սկսվել է խորհրդային զորքերի խոշորագույն հարձակողական օպերացիան Աջափնյա Ուկրաինա:

1951 – Լիբիան անկախացել է Միացյալ Թագավորությունից և Ֆրանսիայից:

1961 - ծնվել է Ադրբեջանի նախագահ Իլհամ Ալիևը։

1979 — կայացել է ֆրանսիական «Արիան» հրթիռակրիչի առաջին հաջողված փորձարկումը:

1981 – ծնվել է ռուս ճանաչված երգիչ, Եվրատեսիլի հաղթող Դիմա Բիլանը:

1982 - վախճանվել է ֆրանսիացի գրող և քաղաքական գործիչ, սյուրռեալիզմի հիմնադիր Լուի Արագոնը:

1982 — կայացել է ռազմա-տրանսպորտային ԱՆ-124 «Ռուսլան» ինքնաթիռի փորձնական օրինակի առաջին թռիչքը:

1991 - ծնվել է անգլիացի երգահան, դերասան և «One Direction» հայտնի խմբի անդամ Լուի Թոմլինսոնը:

1991 — Ռուսաստանի Ֆեդերացիան փոխարինել է ԽՍՀՄ-ին ՄԱԿ-ում:

1997 – վախճանվել է ճապոնացի դերասան Տոսիրո Միֆունեն, որը հայտնի է Ակիրա Կուրոսավայի ֆիլմերից:

2011 —108 տարեկան հասակում վախճանվել է հոլանդացի և ավստրիացի դերասան և երգիչ Յոհաննես Հեստերսը, որը մտել է Գիննեսի ռեկորդների գիրք, որպես ամենատարեց գործող դերասան:

Նյութը հրապարակման պատրաստեց Կամո Խաչիկյանը

www.1or.am