Թատրոնի և կինոյի ինստիտուտի դասախոսական կազմը պահանջում է Փաշինյանի հրաժարականը
ՔԱՂԱՔԱԿԱՆՈՒԹՅՈՒՆ
Թատրոնի և կինոյի ինստիտուտի դասախոսական կազմը հայտարարություն է տարածել՝ պահանջելով վարչապետի հրաժարականը։ Որպես հիմնավորում նշվում է, որ այսօր հայրենիքը ծանրագույն ճգնաժամի մեջ է, և այսպես շարունակելն այլևս օրհասական է։
Ինստիտուտի ռեկտոր Լիլիթ Արզումանյանը նշել է, որ անձնակազմի 200 աշխատակցից 120-ը միացել հայտարարությանը, մնացածը ևս համաձայն են պահանջին, պարզապես հայտարարության տարածման պահին աշխատավայրում չեն եղել, որ հաստատեն իրենց համաձայնությունը:
Ստացվում է, որ թեև բուհերը չքաղաքականացված կառուցներ են և իրենց գործը սոսկ դասավանդելն է, սակայն պատեհ առիթի դեպքում կարող են իրենց բողոքի ձայնը բարձրացնել: Եվ դա բնական է, քանի որ բուհերի դասախոսները ևս ծնողներ են և անհանգստանում են ինչպես իրենց երեխաների, այլև իրենց աչքի առջև մասնագիտական հմտություններ ձեռք բերող երիտասարդ սերնդի ապագայի համար: Եվ եթե այս կամ հարցի վերաբերյալ կարծիք է հասունանում, ապա կրթական հաստատությունում ևս այն պետք է դառնա քննարկման առարկա:
Բայց պետք է հաշվի առնել, որ կրթական հաստատությունների վարչական ու դասախոսական անձնակազմները պետք է հարգեն նաև հակառակ կարծիք ունեցողի իրավունքը և հետագայում այդ կարծիքը չդարձնեն մահակ ուսանողին հարվածելու համար:
Արմինե Գրիգորյան
