Թուրքիան հրաժարվել է գնել ռուսական կորոնավիրուսային պատվաստանյութ
ՀԱՍԱՐԱԿՈՒԹՅՈՒՆ
rbc.ru-ն գրում է, որ Haber Turk թերթը գրել է, որ Թուրքիայի առողջապահության նախարար Ֆահրեթթին Քոդջան հայտարարել է, որ Sputnik V պատվաստանյութը չի համապատասխանում լաբորատոր փորձարկումների չափանիշներին, ուստի չի կարող երկրում արտոնագրվել: Այսինքն Անկարան առայժմ չի գնելու ռուսական կորոնավիրուսային պատվաստանյութը:
Նախարարի խոսքերով «խնդիր է առաջացել է GLP (բարվոք լաբորատոր պրակտիկայի) համապատասխանության հետ, իսկ Ռուսաստանը չի կարողացել ապահովել դա, այդ իսկ պատճառով, ԱՀԿ-ն և աշխարհը չեն կարող գնել այդ պատվաստանյութը, մեր երկրում ևս այն չի կարող արտոնագիր ստանալ և դուրս է եկել մեր հետաքրքրության շրջանակից»:
Բացի ռուսական պատվաստանյութից, Թուրքիան քննարկում է մի քանի այլ պատվաստանյութերի ձեռք բերման հնարավորությունը: Ըստ նախարարի խոստումնալից է չինական Coronavac պատվաստանյութը, որը մի շարք առավելություններ ունի Moderna և Biontech պատվաստանյութերի նկատմամբ. մասնավորապես, ավելի հեշտ կլինի սկսել դրա մասսայական արտադրությունը Թուրքիայում:
Նյութը հրապարակման պատրաստեց Կամո Խաչիկյանը
