Կենդանաբանները կոչ են անում զգուշանալ կենդանիներից կորոնավիրուսի պատճառով
ՀԱՍԱՐԱԿՈՒԹՅՈՒՆ
Lenta.ru-ն գրում է, ՌԻԱ Նովոստիին տված հարցազրույցում Կենդանիների պաշտպանության և կենսաբազմազանության ՄԱԿ-ի կոնվենցիաի համաժողովի մասնակից Մարիա Վորոնցովան ասել է, որ հավանաբար թռչուններն են դարձել ջրաքիսի տնտեսությունների միջև կորոնավիրուսային վարակի տարածողներ:
Մասնագետը հորդորել է COVID-19-ի պատճառով զգուշանալ կենդանիներից: Նրա խոսքով, Դանիայում որոշում է կայացվել ոչնչացնել ջրաքիսներին վիրուսի այն հնարավոր մուտացիայի պատճառով, որի դեմ պատվաստանյութերը չեն գործում:
«Տեսականորեն, վիրուսը ընկնելով իր համար նոր տիրոջ միջավայր մուտացիայի է ենթարկվում և փորձում է հարմարվել, դառնալ ավելի մեղմ, որպեսզի չսպանի իր տիրոջը: Արդյունքում ջրաքիսին հարմարվելով և մուտացիայի ենթարկվելով այն անցնում է մարդուն այլ ձևով և ավելի վիրուլենտ դարձած»,- բացատրել է նա:
Վորոնցովան հավելել է, որ վիրուսը լավ հարմարվում է աքիսների ընտանիքի բոլոր անդամներին: Բացի այդ, ուսումնասիրությունները ապացուցել են, որ ծովային կաթնասունները ևս կարող են վարակվել կորոնավիրուսով նավերի կոյուղաջրերից, այնուհետև վիրուսը փոխանցել մարդկանց:
Նոյեմբերի 5-ին Դանիան որոշում է կայացրել ոչնչացնել մորթու ֆերմերային տնտեսությունների բոլոր ջրաքիսներին մուտացիայի ենթարկված կորոնավիրուսի տարածումը կանխելու նպատակով: Այդ կենդանիների մոտ հայտնաբերվել է վարակ, որը անցնում է մարդկանց և բերում իմունիտետի թուլացման: Ներկայումս գրանցված է այդ վիրուսով տառապող 12 մարդ:
Ավելի ուշ հայտնի է դարձավ, որ իշխանությունները դեռ վերջնական որոշում չեն կայացրել և մտածում են, թե ինչ անել կենդանիների հետ:
Առողջապահության համաշխարհային կազմակերպությունը հաստատել է ջրաքիսների զգայունությունը կորոնավիրուսի նկատմամբ և դրանք վտանգավորությունը մարդկանց համար: Որպես այդպիսին, կա վտանգ, որ այդ կենդանիները կարող են նպաստել բնակչությունը վիրուսի փոխանցմանը:
Նյութը հրապարակման պատրաստեց Կամո Խաչիկյանը
